ఈ శివలింగం ఎత్తు 33 అడుగులు, బరువు 210 టన్నులు!
ప్రపంచాలోకే అత్యంత ఎత్తైన, బరువైన శివలింగం గురించి విన్నారా? లేదా అయితే ఇది మీ కోసమే! తమిళనాడులోని మహా బలిపురంలో తయారుచేసిన ఈ శివలింగం ఎత్తు 33 అడుగులు, బరువు 210 టన్నులు! మరో విశేషమేమిటంటే ఇది ఏకశిల శివలింగం. అంటే ఎక్కడా అతుకులు పెట్టకుండా ఒకే గ్రానైట్ రాయిపై దీనిని చెక్కారు. దీనిపై మద్యలో 14 వరుసలలో మళ్ళీ చిన్న చిన్న శివలింగాలు చెక్కారు.
ప్రపంచంలోకే అత్యంత ఎత్తైన, బరువైన ఈ శివలింగాలలో ఒకటైన దీనిని మహా బలిపురం నుంచి బీహార్‌ రాష్ట్రంలోని చంపారన్‌ జిల్లాలో విరాట్ రామాయణ ఆలయంలో ప్రతిష్టించేందుకు తీసుకు వెళుతున్నారు. రూ.3 కోట్లు వ్యయంతో తయారు చేసిన ఈ మహా శివలింగాన్ని తరలించేందుకు 96 చక్రాలు కలిగిన ఓ భారీ ట్రైలర్‌ని ఏర్పాటు చేశారు.
క్రేన్ సాయంతో శివలింగాన్ని పెట్టి ప్రత్యేక పూజలు చేసిన తర్వాత ఈ నెల 24న మహాబలిపురం నుంచి 1,248కిమీ దూరంలో ఉన్న చంపారన్‌కు బయలుదేరింది. సుమారు20-25 రోజులలో అది గమ్యస్థానం చేరుకునే అవకాశం ఉంది.
మార్గంలో అనేక ఆంధ్రప్రదేశ్‌, తెలంగాణ, మహారాష్ట్ర, మధ్య ప్రదేశ్, ఉత్తర ప్రదేశ్ రాష్ట్రాలలో పలు జిల్లాలు, నగరాలు, పట్టణాలు, పల్లెల మీదుగా అది పయనిస్తుంది. దారిలో ప్రతీచోట భక్తులు ఆ వాహనాన్ని ఆపి ఆ మహా శివలింగానికి పూజలు చేసి, హారతులిస్తున్నారు. ఆ భారీ శివలింగం ఫోటో మీ కోసం!
