డిసెంబర్‌ మొదటి వారంలో ఢిల్లీలో పెద్ది క్రికెట్ మ్యాచ్!

November 30, 2025


img

బుచ్చిబాబు సనా దర్శకత్వంలో రామ్ చరణ్‌ హీరోగా చేస్తున్న ‘పెద్ది’ నుంచి ఇటీవల విడుదలైన ‘చికిరి చికిరి’ సాంగ్‌, ఆ పాటకి రామ్ చరణ్‌ చేసిన డాన్స్ అందరినీ ఉర్రూతలూగించింది. ఫస్ట్ గ్లిమ్స్‌లో సిగ్నేచర్ షాట్‌తోనే పెద్ది అంచనాలు పెరిగిపోయాయి. ఇప్పుడీ చికిరి చికిరి పాటతో మరింత పెరిగాయి. కనుక అందరూ పెద్ది తదుపరి పాటలు, అప్‌డేట్ కోసం ఆత్రుతగా ఎదురుచూస్తున్నారు. 

ప్రస్తుతం హైదరాబాద్‌ కొన్ని యాక్షన్ సన్నివేశాలు షూటింగ్‌ చేస్తున్నారు. మరో రెండు రోజులలో అది పూర్తవుతుంది. తర్వాత పెద్ది టీమ్‌ ఢిల్లీ బయలుదేరుతుంది. అక్కడ డిసెంబర్‌ 5వ తేదీ నుంచి 9 వరకు క్రికెట్ మ్యాచ్ సన్నివేశాలు షూటింగ్‌ జరుగుతుంది. 

ఆ షెడ్యూల్ పూర్తయిన తర్వాత మళ్ళీ హైదరాబాద్‌ తిరిగి వచ్చి షూటింగ్‌ మొదలుపెడతారు. సుమారు 20 రోజుల పాటు ఈ షెడ్యూల్ ఉంటుందని సమాచారం. 

ఈ సినిమాకు సంగీతం అందిస్తున్న ఏఆర్ రహమాన్ ఇప్పటికే ఈ పాటని పూర్తి చేసి బుచ్చిబాబు చేతిలో పెట్టారు. కనుక ముందుగా ఆ ఐటెం సాంగ్‌ పూర్తిచేసి తర్వాత టాకీ పార్ట్ పూర్తి చేస్తారు. జనవరి నెలాఖరులోగా పెద్ది షూటింగ్‌ పూర్తిచేయాలని బుచ్చిబాబు పక్కా ప్లాన్ చేసుకున్నారు. 

మార్చి 27న సినిమా రిలీజ్ అనుకున్నారు కనుక ఒకవేళ షూటింగ్‌ పూర్తి చేయడానికి మరో వారం పది రోజులు ఎక్కువ సమయం తీసుకున్నా పోస్ట్ ప్రొడక్షన్ పనులకు తగినంత సమయం ఉంటుంది. 

 ఈ సినిమాలో రామ్ చరణ్‌కి జోడీగా జాన్వీ కపూర్‌, కోచ్‌ గౌరు నాయుడుగా శివరాజ్ కుమార్‌ నటిస్తున్నారు. జగపతి బాబు, శివ రాజ్ కుమార్‌, దివ్యేంద్రు తదితరులు ముఖ్య పాత్రలు చేస్తున్నారు. 

ఈ సినిమాకి సంగీతం: ఏఆర్ రహమాన్, కెమెరా: రత్నవేలు, ఎడిటింగ్: నవీన్ నూలి అందిస్తున్నారు. 

వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ బ్యానర్లపై వెంకట సతీష్ కిలారు దీనిని 5 భాషల్లో పాన్ ఇండియా మూవీగా నిర్మిస్తున్నారు. వచ్చే ఏడాది మార్చి 27న పెద్ది ప్రపంచవ్యాప్తంగా విడుదల కాబోతోంది. 


Related Post

సినిమా స‌మీక్ష