ఆంధ్రా కింగ్‌ తాలూకా… ఓ వెర్రి అభిమాని జీవితం
మహేష్ బాపు దర్శకత్వంలో రామ్ పోతినేని హీరోగా చేసిన ‘ఆంధ్రా కింగ్‌ తాలూకా’ ట్రైలర్‌ నిన్న విడుదలైంది. దానిని చూసినప్పుడు మహేష్ బాపుకి దర్శకుడుగా ఇది తొలి సినిమాయేనా? అని సందేహం కలిగుతుంది. చాలా సినిమాలు చేసిన అనుభవమున్న దర్శకుడు తీసిన సినిమాలా ఉంది.
మొదటి ప్రయత్నంగా ఓ కమర్షియల్ తీయొచ్చు. కానీ మహేష్ బాపు తన ప్రతిభ నిరూపించుకోవడానికి 1970-80 కాలం నాటి సినీ అభిమానుల జీవితాన్ని సినిమాగా తెరకెక్కించారు. అది చూపించడానికి సినిమాలో మరో సినిమా చూపాడం ఇంకా సాహసమే. కానీ ట్రైలర్‌ చూస్తే మహేష్ బాపు‘ఆంధ్రా కింగ్‌ తాలూకా’ని చాలా చక్కగా తీసినట్లు ట్రైలర్‌ స్పష్టం చేస్తోంది. మరి ప్రేక్షకులను మెప్పించగలరో లేదో నవంబర్‌ 27న సినిమా విడుదలైతే తెలుస్తుంది.
ఈ సినిమాలో సినీ హీరోగా ప్రముఖ కన్నడ నటుడు ఉపేంద్ర నటించగా, ఆయన వీరాభిమానిగా రామ్ పోతినేని నటించారు. రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేశారు.
ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేశారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి ఈ సినిమా నిర్మించారు.
