చిరంజీవి సినిమాలో రాజు వెడ్స్ రాంబాయి!

November 26, 2025
img

సాయి కొల్లు (బోస్) దర్శకత్వంలో ఇటీవల విడుదలైన రాజు వెడ్స్ రాంబాయి సినిమా సూపర్ హిట్ అయ్యింది. హైదరాబాద్‌లో ఈ సినిమా సక్సస్ మీట్‌లో దర్శకుడు బాబి ముఖ్య అతిధిగా పాల్గొన్నారు. వారి సినిమా అద్భుతంగా ఉందని ప్రశంశిస్తూ దర్శకుడు సాయి కొల్లు (బోస్), ఈ సినిమా పాటల రచయిత మిట్టపల్లి సురేందర్ ఇద్దరికీ గొప్ప ఆఫర్ ఇచ్చారు.  

మెగాస్టార్ చిరంజీవితో తాను తీస్తున్న సినిమాలో బోస్ నటించాలని వేదికపైనే కోరగా అందుకు అయన అంగీకరించారు. అలాగే మిట్టపల్లి సురేందర్‌ని ఈ మెగా 158 సినిమాలో ఓ పాట వ్రాయాలని కోరగా అందుకు అయన కూడా అంగీకరించారు.

తొలిసారిగా దర్శకత్వం చేసిన బోస్‌ మొదటి సినిమాతోనే హిట్ కొట్టడమే విశేషమనుకుంటే, చిరంజీవి సినిమాలో నటించే అవకాశం లభించడం ఇంకా విశేషం. 

ఇప్పుడు ఇండస్ట్రీలో కొందరు తమకు తామే బిరుదులు తగిలించుకొని  తెలుగుని ఖూనీ చేస్తూ తెలుగు, హిందీ, ఇంగ్లీష్ పదాలు కలిపి చెత్త పాటలు వ్రాస్తూ చిరాకు కలిగిస్తున్నారు.

కానీ మిట్టపల్లి సురేందర్ చిన్న చిన్న పదాలతో మనసులను కదిలించేలా చక్కటి పాటలు వ్రాసి ప్రేక్షకులను మెప్పించారు. అంతేకాదు... దర్శకుడు బాబి దృష్టిలో కూడా పడి చిరంజీవి సినిమాలో పాట వ్రాసే స్థాయికి ఎదిగారు.

ఇది చాలా అభినందనీయం. కానీ వారిద్దరూ ఈ మెగా మోజులో పడి తమ సృజనాత్మకతని, కష్టపడి సంపాదించుకున్న ఈ గుర్తింపుని కోల్పోకుండా జాగ్రత్త పడటం చాలా అవసరం.

Related Post