కామారెడ్డిలో కవిత రైల్ రోకో.. మరి బీఆర్ఎస్‌?
బీసీలకు 42 శాతం రిజర్వేషన్స్‌ ఇస్తామని కాంగ్రెస్‌ ప్రభుత్వం హామీ ఇచ్చింది. కానీ ఇవ్వకుండానే పంచాయితీ ఎన్నికలకు వెళుతోంది. కనుక ఇందుకు నిరసనగా తెలంగాణ జాగృతి అధ్యక్షురాలు కల్వకుంట్ల కవిత, తన అనుచరులతో కలిసి కామారెడ్డిలో ‘రైల్ రోకో’ చేపట్టారు.
వారు పట్టాలపై కూర్చొని రైళ్ళ రాకపోకలకు అంతరాయం కలిగిస్తుండటంతో పోలీసులు వారిని అక్కడి నుంచి తొలగించే ప్రయత్నం చేశారు. ఈ సందర్భంగా వారి మద్య తీవ్ర వాగ్వాదాలు, తోపులాటలు జరిగాయి.
ఈ తోపులాటలో కల్వకుంట్ల కవిత కింద పడటంతో ఆమె చేతికి స్వల్ప గాయం అయ్యింది. ఎట్టకేలకు పోలీసులు వారిని రైలు పట్టాలపై నుంచి దూరంగా పంపించేశారు. తర్వాత యధాప్రకారం రైళ్ళ రాకపోకలు ప్రారంభం అయ్యాయి.
తెలంగాణ జాగృతి ఏమీ రాష్ట్రంలో ప్రతిపక్షపార్టీ కాదు. కనీసం రాజకీయ పార్టీ కూడా కాదు. కానీ బీసీ రిజర్వేషన్స్‌ కోసం అది పోరాడుతున్నారు. కానీ పాతికేళ్ళుగా రాజకీయాలలో, పదేళ్ళు అధికారంలో ఉన్న బీఆర్ఎస్‌ పార్టీ ఈ అంశంపై తెలంగాణ జాగృతిలా పోరాటాలు చేయడానికి ఆసక్తి చూపక పోవడం ఆశ్చర్యం కలిగిస్తుంది.
తద్వారా తెలంగాణ జాగృతి బలమైన ప్రత్నామ్నాయంగా ఎదిగేందుకు బీఆర్ఎస్‌ పార్టీయే ఆమెకు తోడ్పడుతోందా? అనే సందేహం కలుగుతుంది.
17.jpg "పంచాయితీ ఎన్నికలపై అప్పుడే పిటిషన్లు షురూ!")
