హైడ్రా రంగనాద్‌పై హైకోర్టు ఆగ్రహం
హైడ్రా కమీషనర్ ఏవీ రంగనాద్‌కు హైకోర్టు సీరియస్ వార్నింగ్ ఇచ్చింది. నగరంలో బతుకమ్మ కుంట భూవివాదంపై యధాతధ స్థితి కొనసాగించాలంటూ హైకోర్టు జూన్ 12న ఉత్తర్వులు జారీ చేసింది. కానీ హైడ్రా కమీషనర్ ఏవీ రంగనాద్‌ వాటిని పట్టించుకోకుండా ఆ స్థలంలో కూల్చివేతలు జరిపించారు. దానిపై స్థల యజమానులలో ఒకరైన సుధాకర్ అనే వ్యక్తి హైకోర్టులో కోర్టు ధిక్కార పిటిషన్ వేశారు.
ఈ తాజా కేసులో రంగనాథ్ స్వయంగా విచారణకు హాజరు కావాలని హైకోర్టు ఆదేశించింది. కానీ రాలేదు. కోర్టు ధిక్కారానికి పాల్పడటమే కాకుండా విచారణకు హాజరు కావాలనే ఆదేశాలను కూడా పట్టించుకోనందుకు హైకోర్టు తీవ్ర ఆగ్రహం వ్యక్తం చేసింది. డిసెంబర్‌ 5వ తేదీన తప్పనిసరిగా రంగనాథ్ స్వయంగా కోర్టులో విచారణకు హాజరుకావాలని ఆదేశిస్తూ మరోసారి ఉత్తర్వులు జారీ చేసింది.
ఈసారి రాకపోతే నాన్-బెయిలబుల్ అరెస్ట్‌ వారెంట్ జారీ చేస్తామని హెచ్చరించింది. ఇదివరకు తుమ్మిడికుంట కూల్చివేతల సమయంలో హైడ్రా ఇలాగే హైకోర్టు ఉత్తర్వులను దిక్కరించిందని న్యాయమూర్తి గుర్తు చేశారు. హైడ్రాకు వ్యతిరేకంగా రోజుకి పడి పిర్యాదులు వస్తూనే ఉన్నాయని కానీ హైడ్రా తీరు మారడం లేదని న్యాయమూర్తి ఆగ్రహం వ్యక్తం చేశారు.
17.jpg "పంచాయితీ ఎన్నికలపై అప్పుడే పిటిషన్లు షురూ!")
