సిద్ధార్ధ్ 3 బిహెచ్‌కె ట్రైలర్.. ప్రజలందరి కధ
సామాన్య మధ్యతరగతి ప్రజల కల, జీవితాశయం సొంత ఇల్లు. దానిని సాధించడం కోసం వారుపడే ఆరాటం, శ్రమ, సొంత ఇంటి కలలు.. ప్రతీ ఒక్కరూ జీవితంలో ఎప్పుడో ఒకప్పుడు అనుభవించే ఉంటారు. ఓ మద్యతరగతి కుటుంబం సొంత ఇంటి కలనే రచయిత, దర్శకుడు శ్రీ గణేష్ ‘3 బిహెచ్‌కె’ పేరుతో ఓ చక్కటి సినిమాగా తెరకెక్కించారు. ఈ 3 బిహెచ్‌కె ట్రైలర్ విడుదలైంది. అది చూస్తున్నప్పుడు ప్రతీ ఒక్కరూ దానిలో లీనం అవుతారు. దర్శకుడు ఎంచుకున్న కధతో ట్రైలర్‌లోనే అనేక భావోద్వేగాలు పండించి చూపారు. ఇక సినిమా ఎలా ఉంటుందో ఊహించుకోవచ్చు.
ఈ సినిమాలో సిద్ధార్థ్, శరత్ కుమార్‌, దేవయాని ప్రధాన పాత్రలు చేయగా మీఠా రఘునాథ్, చైత్ర, యోగిబాబు ముఖ్యపాత్రలు చేశారు.
ఈ సినిమాకు సంగీతం: అమృత్ రామ్నాధ్, కెమెరా: దినేష్ కృష్ణన్‌, స్టానిస్లస్, ఎడిటింగ్: గణేష్ శివ, ఆర్ట్: వినోద్ రాజ్‌కుమార్‌. ఎన్‌ చేశారు.
శాంతి టాకీస్ బ్యానర్‌పై అరుణ్ విశ్వ నిర్మించిన ఈ సినిమాను ఏపీ, తెలంగాణ రాష్ట్రాలలో మైత్రీ డిస్ట్రిబ్యూటర్స్ జూలై 4న విడుదల చేస్తున్నారు.
