బ్యాండ్ మేళం షూటింగ్ సమాప్తం
February 03, 2026
తెలంగాణ గ్రామీణ నేపధ్యంతో వచ్చిన ‘రాజు వెడ్స్ రాంబాయి’ అందరినీ ఎంతగానో అలరించింది. ఇప్పుడు అటువంటి ప్రేమ కధతోనే వస్తున్న ‘బ్యాండ్ మేళం’లో యువనటులు హర్ష్ రోషన్, శ్రీదేవి మరోసారి జంటగా నటించారు. ఇదివరకు వీరిద్దరూ కలిసి నటించిన ‘కోర్ట్-వర్సస్ నో బడీ’ సినిమా సూపర్ హిట్ అయిన సంగతి తెలిసిందే.
ఈ సినిమా షూటింగ్ పూర్తయిందని తెలియజేస్తూ యూనిట్ సభ్యులతో కలిసి శ్రీదేవి ఓ గ్రూప్ ఫోటో సోషల్ మీడియాలో అభిమానులతో పంచుకున్నారు. ఈ సినిమాలో ఆమె ఓ పల్లెటూరి గడుసు అమ్మాయి రాజమ్మగా నటించింది.
ఈ సినిమాకి కధ, ఎడిటింగ్, స్క్రీన్ ప్లే: శివ ముప్పరాజు, సంగీతం: విజయ్ బులగనిన్, కెమెరా: సతీష్ ముత్యాల చేస్తున్నారు. సతీష్ జవ్వాజీ దర్శకత్వంలో కోనా ఫిల్మ్ కార్పోరేషన్ బ్యానర్పై కావ్య, శ్రావ్య కలిసి ఈ సినిమా నిర్మిస్తున్న ఈ సినిమా ఈ వేసవిలో విడుదల కాబోతోంది.
