ప్రభాస్ అభిమానులకు నూతన సంవత్సరంలో మరో కానుక!
January 01, 2026
ప్రభాస్ అభిమానులకు ‘స్పిరిట్’ ఫస్ట్ లుక్ పోస్టర్తో దర్శకుడు సందీప్ వంగ నూతన సంవత్సర కానుకగా అందించగా, దర్శకుడు మారుతి కూడా మరో కానుక ఇచ్చారు. రాజాసాబ్ సినిమాలో ‘రాజే యువరాజే...’ అంటూ సాగే పాట ఆడియోని నూతన సంవత్సర కానుకగా అందించారు. రోటీన్ పాటలకు భిన్నంగా పాట చాలా మృదుమధురంగా ఉంది.
కృష్ణ కాంత్ వ్రాసిన ఈ పాటని తమన్ స్వరపరిచి సంగీతం అందించారు. అద్వితీయ, వొజ్జల, బేబీ రియా సీపనలతో కలిసి పాడారు కూడా.
ఈ సినిమాలో ప్రభాస్కు జోడీగా నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటించారు. బాలీవుడ్ నటుడు సంజయ్ దత్, జరీనా వాహబ్, తదితరులు ముఖ్యపాత్రలు చేశారు.
రాజాసాబ్ సినిమాకు సంగీతం: ఎస్ఎస్ తమన్, కెమెరా: కార్తీక్ పళని, ఆర్ట్ డైరెక్టర్: రాజీవన్, ఎడిటింగ్: కోటగిరి వేంకటేశ్వర రావు చేశారు.
పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ తెలుగు, తమిళ్, కన్నడ, మలయాళం, హిందీ భాషల్లో పాన్ ఇండియా మూవీగా నిర్మించారు. జనవరి 9న సంక్రాంతి పండగకు ముందు రాజాసాబ్ ప్రేక్షకులను పలకరించబోతున్నారు.
.png "భర్త మహాశయులకు విజ్ఞప్తి: నేడు వరంగల్లో వామ్మో !")
