ప్రభాస్ అభిమానులకు నూతన సంవత్సర కానుక... అదీ స్పిరిట్!
January 01, 2026
ప్రభాస్ అభిమానులకు దర్శకుడు సందీప్ వంగ నూతన సంవత్సరంలో ఓ అద్భుతమైన కానుక ఇచ్చారు. స్పిరిట్ సినిమా నుంచి ప్రభాస్ ఫస్ట్ లుక్ పోస్టర్ విడుదల చేశారు. ఒంటిపై బ్యాండేజ్లు, నోట్లో సిగరెట్, చేతిలో లిక్కర్ గ్లాస్తో స్టయిల్గా నిలబడి ఉండగా, హీరోయిన్ త్రిప్తి దిమ్రి లైటర్తో సిగరెట్ వెలిగిస్తున్నట్లు పెట్టిన పోస్టర్ చాలా ఆకట్టుకుంటుంది. అలాగే ప్రభాస్ హెయిర్ స్టయిల్ కూడా!
ఈ సినిమా ప్రకటించిన తర్వాత దర్శకుడు సందీప్ వంగ ‘వన్ బ్యాడ్ హ్యాబిట్’ అంటూ ఓ చిన్న ఆడియో క్లిప్ విడుదల చేశారు.
దానిలో ఏదో నేరం కింద అరెస్ట్ అయిన ఐపిఎస్ ఆఫీసర్ ప్రభాస్ని రిమాండ్ మీద జైలుకి తీసుకువస్తారు. జైలు సూపరిండెంట్ ప్రకాష్ రాజ్ అతనికి గుడ్డలూడదీయించి మెడికల్ టెస్ట్ చేయించమని ఆదేశించడం , ఖైదీ యూనిఫారం తొడిగించమని ఆదేశిస్తారు. ఈ జైల్లో పోలీస్, ఖైదీలు మాత్రమే ఉంటారు. అప్పుడు ప్రభాస్ ‘మిస్టర్ సూపరిండెంట్... నాకు చిన్నప్పటి నుంచి ఓ చెడ్డ అలవాటుంది..” అనే డైలాగ్తో ఈ ఆడియో క్లిప్ ముగుస్తుంది.
ప్రభాస్ తొలిసారిగా ఈ సినిమాలో పవర్ ఫుల్ పోలీస్ ఆఫీసరుగా నటించబోతున్నారు. ఆడియో క్లిప్లో కూడా చెప్పేశారు. ఆ ఒక్క ఆడియో క్లిప్తోనే స్పిరిట్పై అంచనాలు పెంచేశారు. ఇప్పుడు విడుదల చేసిన ఫస్ట్ లుక్ పోస్టర్తో ఆ అంచనాలు ఇంకా పెంచేశారు దర్శకుడు సందీప్ వంగ.
ఈ సినిమాలో ప్రభాస్కు జోడీగా త్రిప్తి దిమ్రీ నటిస్తున్నారు. బాలీవుడ్ నటుడు వివేక్ ఒబిరాయ్, ప్రకాష్ రాజ్, కాంచన ముఖ్యపాత్రలు చేస్తున్నారు.
ఈ సినిమాకి కధ, దర్శకత్వం, ఎడిటర్: సందీప్ రెడ్డి వంగ; సంగీతం: హర్ష వర్ధన్ రామేశ్వర్; కెమెరా: రాజ్ తోట; యాక్షన్: సుప్రీమ్ సుందర్; ఆర్ట్: ఘార్గి ముఖర్జీ చేస్తున్నారు.
గుల్షన్ కుమార్ & టీ సిరీస్ సమర్పణలో భద్రకాళి పిక్చర్స్ బ్యానర్పై భూషణ్ కుమార్, క్రిషన్ కుమార్, ప్రణయ్ రెడ్డి వంగ, ప్రభాకర్ రెడ్డి వంగ కలిసి ఈ సినిమా నిర్మిస్తున్నారు.
.png "భర్త మహాశయులకు విజ్ఞప్తి: నేడు వరంగల్లో వామ్మో !")
