అఖండ-2 టీజర్‌... దేశభక్తి, దైవశక్తి
November 29, 2025
బోయపాటి శ్రీను దర్శకత్వంలో నందమూరి బాలకృష్ణ ప్రధాన పాత్ర చేసిన అఖండ-2 టీజర్‌ విడుదలైంది. ఇది మాస్ ప్రేక్షకుల బోయపాటి, బాలయ్య సినిమా కనుక వారిని మెప్పించే పంచ్ డైలాగులు, ఫైట్స్ అన్నీ సినిమాలో ఉంటాయని టీజర్‌తో మరోసారి చెప్పారు.
భారత్‌ను దెబ్బ తీసి కబళించాలంటే దాని ఆధ్యాత్మిక మూలాలను ముందుగా దెబ్బ తీయాలనే కొత్త ఫార్ములాని ఈ సినిమాతో బోయపాటి కనిపెట్టారు. కనుక ఆ ఆధ్యాత్మిక మూలాలను కాపాడుతూ, వాటిని దెబ్బ తీయాలని ప్రయత్నిస్తున్న ఆ దుష్ట శక్తులను ఎదుర్కొని ఆటకట్టించే బాధ్యత బాలయ్య తీసుకున్నట్లు టీజర్‌లో చూపారు.
ఈ సినిమాకు కధ, దర్శకత్వం: బోయపాటి శ్రీను, సంగీతం: థమన్, కెమెరా: సి. రామ్ ప్రసాద్, సంతోష్ డి డెటాకె, ఎడిటింగ్: తమ్మిరాజు చేశారు.
14 రీల్స్ ప్లస్ బ్యానర్‌పై తేజస్విని నందమూరి, రామ్ ఆచంట, గోపీ అచంటలతో కలిసి పాన్ ఇండియా మూవీగా 5 భాషల్లో అఖండ-2 నిర్మించి డిసెంబర్‌ 5న విడుదలవుతోంది.
