అర్జున్‌ సన్ ఆఫ్ వైజయంతి ట్రైలర్‌
April 13, 2025
ప్రదీప్ చిలుకూరి దర్శకత్వంలో కళ్యాణ్ రామ్, విజయశాంతి ప్రధాన పాత్రలలో ‘అర్జున్‌ సన్ ఆఫ్ వైజయంతి’ ట్రైలర్‌ వచ్చేసింది. ఈ సినిమాలో విజయశాంతి పవర్ ఫుల్ పోలీస్ ఆఫీసర్‌ వైజయంతీగా ఆమె కుమారుడు అర్జున్‌గా కళ్యాణ్ రామ్ నటించారు. కనుక కధ ఏమిటో ఎలా ఉంటుందో సులువుగానే ఊహించుకోవచ్చు. ట్రైలర్‌లో కూడా అదే చూపారు.
తల్లీకొడుకుల అనుబంధం, పోలీస్ ఆఫీసరుగా వైజయంతీ, ఆమె శత్రువులను ఎదిరించే కొడుకుగా కళ్యాణ్ రామ్ యాక్షన్ సీన్స్ ట్రైలర్‌లో చూపారు. యాక్షన్ సీన్స్ చాలా అద్భుతంగా ఉన్నాయి. నిన్న హైదరాబాద్‌లో జరిగిన ట్రైలర్‌ రిలీజ్‌ ఫంక్షన్‌కి జూ.ఎన్టీఆర్‌ ముఖ్య అతిధిగా వచ్చారు.
ఈ సినిమాలో కళ్యాణ్ రామ్‌కు జోడీగా సాయి మంజ్రేకర్ నటించగా శ్రీకాంత్, సొహైల్ ఖాన్ తదితరులు ముఖ్య పాత్రలు చేశారు.
ఈ సినిమాకు కధ, దర్శకత్వం: ప్రదీప్ చిలుకూరి, సంగీతం అజనీష్ లోక్‌నాధ్, కెమెరా: రామ్ ప్రసాద్, ఎడిటింగ్: తమ్మిరాజు చేశారు.
ఎన్టీఆర్‌ ఆర్ట్స్, అశోకా క్రియేషన్స్ బ్యానర్లపై ముప్పా వెంకయ్య చౌదరి, సునీల్ బులుసు కలిసి నిర్మిస్తున్న ఈ సినిమాని ఈ నెల 18న విడుదల కాబోతోంది.
.jpg "కర్ణాటకలో ఎన్టీఆర్‌-నీల్‌ సినిమా షూటింగ్")
