దేవర ట్రైలర్‌... ఎప్పుడంటే...
September 07, 2024
నేడు వినాయక చవితి సందర్భంగా సోషల్ మీడియాలో పలు సినిమాల కొత్త పోస్టర్స్ విడుదల చేశాయి ఆయా నిర్మాణ సంస్థలు. కొరటాల శివ దర్శకత్వంలో జూ.ఎన్టీఆర్‌, జాన్వీ కపూర్‌ జంటగా దేవర’ మొదటి భాగం ఈ నెల 29న విడుదల కాబోతోంది.
కనుక సినిమా ట్రైలర్‌ విడుదల చేసేందుకు దర్శక నిర్మాతలు ముహూర్తం పెట్టేశారు. ఈ నెల 10న ఈ సినిమా ట్రైలర్‌ విడుదల చేయబోతున్నట్లు ప్రకటించారు. ఈ సందర్భంగా సముద్రం అలలు ఎగసి పడుతుంటే ఓ రాయిపై నిలబడిన జూ.ఎన్టీఆర్‌ పోస్టర్‌ని నేడు విడుదల చేశారు.
దేవరలో బాలీవుడ్‌ నటుడు సైఫ్ ఆలీ ఖాన్ విలన్‌గా నటిస్తున్నారు. ప్రకాష్ రాజ్, శ్రీకాంత్, నారాయణ్, రమ్యకృష్ణ, చైత్ర రాయ్, కలైయరసన్‌, షైన్ టామ్ చాకో తదితరులు ఈ సినిమాలో ముఖ్య పాత్రలు చేస్తున్నారు.
ఈ సినిమాకు కధ, స్క్రీన్ ప్లే, దర్శకత్వం: కొరటాల శివ, సంగీతం: అనిరుధ్ రవిచంద్ర, కెమెరా:ఆర్‌. రత్నవేలు, ఎడిటింగ్: ఏ. శ్రీకర్ ప్రసాద్ చేస్తున్నారు. ఈ సినిమాకి హాలీవుడ్ స్టంట్ డైరెక్టర్ కెన్నీ బెట్స్ పనిచేస్తున్నారు.
యువసుధ ఆర్ట్స్, ఎన్టీఆర్‌ ఆర్ట్స్ బ్యానర్లపై సుధాకర్ మిక్కిలినేని, కొసరాజు హరికృష్ణ, నందమూరి కళ్యాణ్ రామ్ కలిసి రూ.300కోట్ల భారీ బడ్జెట్‌తో పాన్ ఇండియా మూవీగా దీనిని నిర్మిస్తున్నారు.
2.jpeg "ప్రభాస్‌ డార్లింగ్... ఫ్యాన్స్ వెయిటింగ్ ఇక్కడ")
