ప్రదీప్ కన్స్ట్రక్షన్స్కు హైకోర్టులో ఊరట..
హైడ్రా నోటీస్ అందుకున్న ప్రదీప్ కన్స్ట్రక్షన్స్కు హైకోర్టులో ఊరట లభించింది. సోమాజిగూడలో ఆ సంస్థ నిర్మిస్తున్న 17 అంతస్తుల భవన సముదాయాలు హుస్సేన్ సాగర్ ఎఫ్టిఎల్ పరిధిలో ఉన్నందున వాటి నిర్మాణ అనుమతులు ఎందుకు రద్దు చేయరాదో వివరణ ఇవ్వాలని కోరుతూ ఇటీవల హైడ్రా ప్రదీప్ కన్స్ట్రక్షన్స్కి షోకాజ్ నోటీస్ జారీ చేసింది. దీనిపై ఆ సంస్థ హైకోర్టుని ఆశ్రయించగా, నేడు విచారణ జరిపి ఇరు పక్షాల వాదనలు విన్న తర్వాత ఈ కేసు విచారణ ముగిసే వరకు యధాతధ స్థితి కొనసాగించాలని ఆదేశించింది. తదుపరి ఆదేశాలు జారీ చేసేవరకు ప్రదీప్ కన్స్ట్రక్షన్స్ చేపడుతున్న ప్రాజెక్ట్ జోలికి వెళ్ళవద్దని ఆదేశించింది.
ఇటీవల టీఆర్ఎస్ పార్టీ అధ్యక్షురాలు కల్వకుంట్ల కవిత ఈ సంస్థ యాజమాన్యం, మాజీ మంత్రిగా చేసిన తన సోదరుడు కేటీఆర్ కుమ్మక్కయ్యి భారీగా అవినీతి, అక్రమాలకూ పాల్పడ్డారని సంచలన ఆరోపణలు చేశారు. ఇప్పుడు ఈ ప్రాజెక్టు అక్రమ నిర్మాణమన్నట్లు హైడ్రా నోటీస్ జారీ చేయడంతో ఆమె వాదనలలో ఎంతో కొంత నిజముందని అనుమానాలు వ్యక్తం అవుతున్నాయి. అయితే బీఆర్ఎస్ పార్టీ వర్కింగ్ ప్రెసిడెంట్ కేటీఆర్ మాత్రం ఇంతవరకు ఆమె ఆరోపణలపై స్పందించలేదు.
1.jpg "డ్రగ్స్ దొరికితే కాలేజీ గుర్తింపు రద్దు: డీజీపీ సీవీ ఆనంద్")
1.jpg "హైదరాబాద్లో ఆర్టీసీ ఆటో సర్వీసులు... త్వరలో")
