‘దొంగ నా కొడుకు’ కామెడీ మామూలుగా లేదుగా!
October 21, 2026
‘లిటిల్ హార్ట్స్‌’ సినిమాతో ప్రేక్షకుల్లో మంచి గుర్తింపు తెచ్చుకున్న యువ నటుడు మౌళి తనూజ్‌ ప్రశాంత్‌, ఇప్పుడు ‘దొంగ నా కొడుకు’ అనే మరో కామెడీ సినిమాతో ప్రేక్షకుల ముందుకు వస్తున్నాడు.
శ్రీను కంబాల దర్శకత్వంలో తెరకెక్కుతున్న ఈ క్రైమ్‌ కామెడీ సినిమా టీజర్‌ బుధవారం విడుదల చేశారు. నవంబర్‌ 13న ఈ ‘దొంగ నా కొడుకు’ థియేటర్లలో ప్రేక్షకులను పలకరించబోతున్నాడు.
టీజర్‌లో ఈశ్వర్‌ అనే యువకుడి పాత్రలో మౌళి కనిపించి చేసిన అల్లరి మామూలుగా లేదు. తల్లితండ్రులు, స్నేహితులు, ప్రేమ వంటి బంధాలకంటే డబ్బే ముఖ్యమని భావించే యువకుడి కథ.
ఈ సినిమాలో హీరోయిన్‌గా సుష్మిత శెట్టి నటిస్తుండగా, అలీ, రఘుబాబు, రాజిత, ప్రియా, బబ్లూ, నంద గోపాల్‌, భద్రం, గుండు సుదర్శన్‌, రమణ భార్గవ తదితరులు కీలక పాత్రల్లో నటిస్తున్నారు.
ఈ సినిమాకు కథ, దర్శకత్వం: శ్రీను కంబాల, సంగీతం: సింజిత్‌ యెర్రమిల్లి, కెమెరా: సూర్య బాలాజీ, ఎడిటింగ్: శ్రీధర్‌ సోంపల్లి చేస్తున్నారు.
మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌, అనిల్‌ యెర్నేని కలిసి ఈ సినిమా నిర్మిస్తున్నారు.
మౌళి తనదైన కామెడీ టైమింగ్‌తో ఆకట్టుకోగా, సీనియర్‌ నటుడు అలీ తండ్రి పాత్రలో కనిపించనున్నారు. సుష్మిత శెట్టి కథానాయికగా నటిస్తున్నారు. రఘుబాబు, రాజిత, ప్రియా, బబ్లూ, నంద గోపాల్‌, భద్రం, గుండు సుదర్శన్‌, రమణ భార్గవ తదితరులు కీలక పాత్రలు పోషిస్తున్నారు.
మైత్రీ మూవీ మేకర్స్‌ పతాకంపై నవీన్‌ యెర్నేని, వై. రవిశంకర్‌ ఈ చిత్రాన్ని నిర్మిస్తున్నారు.
