నెట్‌ఫ్లిక్స్‌లో గర్ల్ ఫ్రెండ్... ఎప్పటి నుంచంటే
November 30, 2025
రష్మిక మందన, దీక్షిత్ శెట్టి జంటగా చేసిన ‘ది గర్ల్ ఫ్రెండ్’ నవంబర్‌ 7న ప్రపంచవ్యాప్తంగా విడుదలై సూపర్ హిట్ అయ్యింది. ఇప్పుడీ సినిమా డిసెంబర్‌ 5వ తేదీ నుంచి నెట్‌ఫ్లిక్స్‌ ఓటీటీలోకి రాబోతోంది. ప్రేమపై అనేక వందల సినిమాలు వచ్చాయి. కానీ ప్రేమ ఎప్పటికీ కొట్టగానే కనిపిస్తోంది. ఇది కూడా అటువంటి అద్భుతమైన ప్రేమ కధే. పైగా రష్మిక తన నటనతో ప్రేక్షకులను కట్టి పడేసింది. కనుక గర్ల్ ఫ్రెండ్ సూపర్ హిట్ అయ్యింది.
ఇప్పుడీ సినిమా నెట్‌ఫ్లిక్స్‌ ఓటీటీలోకి వచ్చేస్తోంది. కనుక ఓటీటీ ప్రేక్షకులు చూసి ఆనందించవచ్చు.
ఈ సినిమాలో రావు రమేష్, రోహిణి తదితరులు ముఖ్యపాత్రలు చేశారు. ఈ సినిమాకు కధ, స్క్రీన్ ప్లే, డైలాగ్స్, దర్శకత్వం: రాహుల్ రవీంద్రన్, సంగీతం: హేషమ్ అబ్దుల్ వాహబ్, కెమెరా: కృష్ణన్ వసంత్ చేశారు.
గీతా ఆర్ట్స్ బ్యానర్‌పై విద్యా కొప్పినీడి, ధీరజ్ మొగిలినేని కలిసి 5 భాషల్లో నిర్మించారు. అన్ని భాషల్లో సూపర్ హిట్ అయ్యింది.
