సైక్ సిద్ధార్థ రిలీజ్ వాయిదా
December 17, 2025
శ్రీనందు, యామినీ భాస్కర్ ప్రధాన పాత్రలలో తెరకెక్కించిన ‘సైక్ సిద్ధార్థ’ ఈ నెల 12న విడుదల కావాల్సి ఉంది. కానీ దానికి అఖండ దెబ్బ తగిలింది. కనుక జనవరి 1కి వాయిదా పడింది. ఈ విషయం ధృవీకరిస్తూ ఓ పోస్టర్ కూడా వేశారు.
ఇటీవల విడుదలైన ట్రైలర్ సినిమాపై అంచనాలు పెంచింది. కానీ ముందు అనుకున్న సమయానికి విడుదల కాకపోవడం, డిసెంబర్-జనవరిలో పెద్ద సినిమాల మద్య విడుదలవుతుండటంతో ‘సైక్ సిద్ధార్థ’ ఆ ఒత్తిళ్ళు తట్టుకొని నిలబడగలడో లేదో చూడాలి.
ఈ సినిమాలో నరసింహ, ప్రియాంక రెబెకా శ్రీనివాస్, సుకేష్, వాడేకర్ నర్సింగ్, బాబీ రాతకొండ, సాక్షి ఆత్రీ చతుర్వేది, మౌనిక, ప్రద్యుమ్న ముఖ్య పాత్రలు చేశారు.
ఈ సినిమాకి దర్శకత్వం: వరుణ్ రెడ్డి, అడిషనల్ స్క్రీన్ ప్లే: శ్రీ నందు, సంగీతం: స్మరణ్ సాయి, కెమెరా: కె ప్రకాష్ రెడ్డి, ఎడిటింగ్: ప్రతీక్ నూతి చేశారు.
ఈ సినిమాలో హీరోగా నటించిన శ్రీ నందు, శ్యామ్ సుందర్ రెడ్డితో కలిసి సురేష్ ప్రొడక్షన్స్, స్పిరిట్ మీడియా బ్యానర్లపై ఈ సినిమా నిర్మించారు.
