డెకాయిట్ టీజర్ రేపే
December 17, 2025
షానిల్ డియో దర్శకత్వంలో అడవి శేష్, మృణాళినీ ఠాకూర్ జంటగా చేస్తున్న‘డెకాయిట్-ఒక ప్రేమ కధ’ చివరి షెడ్యూల్ సినిమా షూటింగ్ జరుగుతోంది.
ఈ నెల 25న క్రిస్మస్ పండుగకు డెకాయిట్ విడుదల కావలసి ఉండగా షూటింగ్ పూర్తవకపోవడంతో మార్చి 19కి వాయిదా పడింది. కనుక అభిమానులను నిరాశ పరచకుండా రేపు (డిసెంబర్ 18) డెకాయిట్ టీజర్ విడుదల చేయబోతున్నారు. ఈ యాక్షన్ ప్యాక్ సినిమాలో ప్రముఖ దర్శకుడు, నటుడు అనురాగ్ కశ్యప్, ప్రకాష్ రాజ్, సునీల్, అతుల్ కులకర్ణి, జాన్ మేరీ ఖాన్, కామాక్షి భాస్కర్ తదితరులు ముఖ్య పాత్రలు చేస్తున్నారు.
ఈ సినిమాకు కధ, స్క్రీన్ ప్లే: అడవి శేష్, షనీల్ డియో, డైలాగ్స్: అబ్బూరి రవి, సంగీతం: భీమ్స్ సిసిరోలియో, కెమెరా: ధనుష్ భాస్కర్, ఎడిటింగ్: కోదాటి పవన్ కళ్యాణ్, యాక్షన్: ఏ విజయ్ చేస్తున్నారు.
డెకాయిట్ యాక్షన్ చిత్రాన్ని తెలుగు, హిందీ భాషలలో అన్నపూర్ణ స్టూడియోస్ బ్యానర్పై సుప్రియా యార్లగడ్డ, సునీల్ నారంగ్ కలిసి నిర్మిస్తున్నారు.
