ఆంధ్రా కింగ్ తాలూకా… ట్రైలర్‌ నేడే!
November 18, 2025
నూతన దర్శకుడు మహేష్ బాపు దర్శకత్వంలో రామ్ పోతినేని, భాగ్యశ్రీ బోరే జంటగా చేసిన ‘ఆంధ్రా కింగ్ తాలూకా’ ఈ నెల 28న విడుదల కావలసి ఉండగా ఒకరోజు ముందే అంటే నవంబర్‌ 27న విడుదల చేయబోతున్నట్లు చిత్ర బృందం ప్రకటించింది. సినిమా రిలీజ్ డేట్ దగ్గర పడుతున్నందున నేడు ‘ఆంధ్రా కింగ్ తాలూకా’ ట్రైలర్‌ విడుదల చేయబోతున్నట్లు తెలియజేస్తూ సోషల్ మీడియాలో చక్కటి పోస్టర్ వేసింది.
ఇదొక అభిమాని బయోపిక్” అని దర్శకుడు మహేష్ బాబు బాపు ముందే చెప్పేశారు. 1970-80 లలో హీరోల అభిమానులు ఏవిదంగా ఉండేవారో ఈ సినిమాలో చూపించబోతున్నారు. నాటికీ నేటికీ అభిమానుల తీరు మారలేదు. అలాగే ఉంది. కానీ ఆ అభిమానం వారి జీవితాలను ఏవిదంగా ప్రభావితం చేశాయనేది ఈ సినిమాలో చూపించబోతున్నట్లు టీజర్‌లో చూచాయగా చూపారు.
ఈ సినిమాలో సినీ హీరోగా ప్రముఖ కన్నడ నటుడు ఉపేంద్ర నటించగా, ఆయన వీరాభిమానిగా రామ్ పోతినేని నటించారు. రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేశారు.
ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేశారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి ఈ సినిమా నిర్మించారు.
