రేపు కేసీఆర్‌ ప్రమాణ స్వీకారం
December 12, 2018
కేసీఆర్‌ ఈరోజే ప్రమాణస్వీకారం చేస్తారని అందరూ భావించినప్పటికీ, ఆయన జాతకరీత్యా రేపు అంటే గురువారం మధ్యాహ్నం 12.50-1.30 గంటల మద్య రాజ్ భవన్ లో ప్రమాణస్వీకారం చేస్తారని తాజా సమాచారం. ఆయనతో పాటు 5 మంది మాత్రమే మంత్రులుగా ప్రమాణస్వీకారం చేస్తారని తాజా సమాచారం. మరికొద్ది సేపటిలో తెలంగాణభవన్‌లో తెరాస శాసనసభాపక్ష సమావేశం జరుగనుంది. ఆ తరువాతే రేపు కేసీఆర్‌తో పాటు ఎవరెవరు మంత్రులుగా ప్రమాణస్వీకారం చేస్తారో తెలియవచ్చు. గత మంత్రివర్గంలో మహిళలకు స్థానం కల్పించనందుకు కేసీఆర్‌ చాలా విమర్శలు ఎదుర్కొన్నారు కనుక ఈసారి తప్పకుండా ఒక మహిళా ఎమ్మెల్యేకు మంత్రివర్గంలో స్థానం కల్పించే అవకాశం ఉండవచ్చు.
.jpg "ఇంటర్ సప్లీ పరీక్షలు మే 24 నుంచి")
