తత్వం... ట్రైలర్
June 27, 2026
తెలుగు ప్రేక్షకులకు మర్డర్ మిస్టరీ, ఇన్వెస్టిగేషన్ థ్రిల్లర్ కథలంటే ఎప్పుడూ ప్రత్యేక ఆసక్తే. ఇప్పుడీ జోనర్లో ప్రేక్షకుల ముందుకు వస్తున్న చిత్రం ‘తత్వం’. తాజాగా విడుదలైన ట్రైలర్ సినిమాపై అంచనాలను మరింత పెంచుతోంది.
అర్జున్ కోలా దర్శకత్వంలో తెరకెక్కుతున్న ఈ సినిమాలో దినేష్ తేజ్, దశ్విక కింతల్లి జోడీగా చేస్తున్నారు. భోగిరెడ్డి శ్రీనివాస్, ప్రమోదిని జీన్ తదితరులు ముఖ్య పాత్రలు చేస్తున్నారు.
“కొన్ని పోరాటాలు విధి కోసం.. కొన్ని న్యాయం కోసం” అనే డైలాగ్తో ప్రారంభమయ్యే ట్రైలర్ ప్రేక్షకుల్లో ఆసక్తిని రేకెత్తిస్తోంది.
ఓ యువకుడు పెళ్లిచూపుల కోసం గ్రామానికి వెళ్లినప్పుడు అక్కడ అనూహ్య సంఘటనలు జరుగుతాయి. ఆ గ్రామంలో జరిగిన వరుస హత్యల వెనుక దాగి ఉన్న రహస్యం ఏమిటి? అసలు నిందితుడు ఎవరు? అంటూ చేసిన ట్రైలర్ కట్ ఆసక్తికరంగా ఉంది.
ఈ సినిమాకు కథ, దర్శకత్వం: అర్జున్ కోలా, సంగీతం: చేతన్ భరద్వాజ్, కెమెరా: మల్లిఖార్జున్ దేవరగట్ల, బోడుపల్లి నరేష్, ఎడిటింగ్: విప్లవ్ నైషాదం, ఆర్ట్: శివ చేశారు.
ఈ సినిమాని ఎస్కే ప్రొడక్షన్స్, త్రాయతి ఇషాని క్రియేషన్స్ బ్యానర్లపై వంశీ సీమకుర్తి, శ్వేత పసుపులేటి నిర్మిస్తున్నారు.
