ఆంధ్రా కింగ్‌ తాలూకా… షూటింగ్‌ సమాప్తం!
November 02, 2025
రామ్ పోతినేని, భాగ్యశ్రీ బోరే జంటగా చేస్తున్న ‘ఆంధ్రా కింగ్‌ తాలూకా’ సినిమా షూటింగ్‌ నేటితో పూర్తయింది. ఈ సందర్భంగా సెట్స్‌లో రామ్ పోతినేని యూనిట్ సభ్యులతో కలిసి భారీ కేక్ కట్ చేశారు.
నూతన దర్శకుడు మహేష్ బాపు దర్శకత్వంలో తెరకెక్కిస్తున్న ఈ సినిమా “ఓ అభిమాని బయోపిక్” అని చెపుతూ 1970-80 లలో హీరోల అభిమానులు ఏవిదంగా ఉండేవారో చూపిస్తున్నారు.
ఈ సినిమాలో సినీ హీరోగా ప్రముఖ కన్నడ నటుడు ఉపేంద్ర నటించగా, ఆయన వీరాభిమానిగా రామ్ పోతినేని నటించారు. రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేశారు.
ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేశారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి ఈ సినిమా నిర్మిస్తున్నారు. ఈ సినిమా నవంబర్‌ 28 న ప్రపంచవ్యాప్తంగా విడుదల కాబోతోంది. కానీ ఒకరోజు ముందే ప్రీమియర్స్ వేయబోతున్నట్లు తాజా సమాచారం.
.jpeg "చిన్ని గుండెలో లిరికల్ సాంగ్... ఆంధ్రా కింగ్‌ తాలూకా")
