హైదరాబాద్లో తెల్లవారుజాము వరకు సిటీ బస్సులు
.jpg "హైదరాబాద్లో తెల్లవారుజాము వరకు సిటీ బస్సులు")
శరవేగంగా అభివృద్ధి చెందుతున్న హైదరాబాద్లో అర్దరాత్రి నుంచి తెల్లవారుజాము వరకు డ్యూటీలకు వెళ్ళివచ్చేవారి సంఖ్య పెరుగుతోంది. కనుక రాత్రి వేళల్లో ప్రయాణించే వారి సౌలభ్యం కోసం టిఎస్ ఆర్టీసీ ఓ చక్కటి నిర్ణయం తీసుకుంది.
సెప్టెంబర్ 1 నుంచి నగరంలో ఆరు మార్గాల్లో రాత్రి 11 గంటల నుంచి తెల్లవారుజాము 5 గంటల వరకు నైట్ బస్ సర్వీసులు అందుబాటులోకి తెబోతోంది.
రూట్ నంబర్ 222ఏ: (కోఠి నుంచి పటాన్చెరు) అబిడ్స్, లక్డీకాపూల్, బషీర్బాగ్, ఉస్మానియా యూనివర్సిటీ, గుట్టల బేగంపేట్, కొండాపూర్, కోకాపేట్ మీదుగా ఈ సర్వీసులు కొనసాగుతాయి. ప్రతి 45 నిమిషాలకు ఒక బస్సు అందుబాటులో ఉంటుంది.
రూట్ నంబర్ 218: (అఫ్జల్గంజ్ నుంచి పటాన్చెరు) సీబీఎస్, కోఠి, లక్డీకాపూల్, పంజాగుట్ట, కేపీహెచ్బీ, మియాపూర్, లింగంపల్లి, రామచంద్రాపురం మీదుగా బస్సులు నడుస్తాయి. ప్రతి గంటా 15 నిమిషాలకు ఒక సర్వీసు ఉంటుంది.
రూట్ నంబర్ 219: (సికింద్రాబాద్ నుంచి పటాన్చెరు) ప్యారడైజ్, ట్యాంక్బండ్, బోయిన్పల్లి, బాలానగర్, కూకట్పల్లి, కేపీహెచ్బీ, హైటెక్సిటీ, గచ్చిబౌలి, లింగంపల్లి, రామచంద్రాపురం మీదుగా ఈ సర్వీసులు కొనసాగుతాయి. ప్రతి గంటా 10 నిమిషాలకు ఒక బస్సు ఉంటుంది.
రూట్ నంబర్ 290యూ: (హయత్నగర్ నుంచి సికింద్రాబాద్) వనస్థలిపురం, ఎల్బీనగర్, నాగోల్, ఎన్జీఆర్ఐ, తార్నాక, ఉస్మానియా యూనివర్సిటీ, విద్యానగర్, రసూల్పురా, జేబీఎస్ మీదుగా బస్సులు నడుస్తాయి. ప్రతి గంటా 15 నిమిషాలకు ఒక సర్వీసు ఉంటుంది.
రూట్ నంబర్ 195డబ్ల్యూ: (బాచుపల్లి నుంచి వేవ్రాక్) విప్రో సర్కిల్, ఇన్ఫోసిస్ క్యాంపస్, జేఎన్టీయూ, బయోలాజికల్ సిటీ, ఈఎస్ఐసీ, ఇంద్రానగర్ ప్రాంతాలను ఈ సర్వీసులు కలుపుతాయి. ప్రతి 40 నిమిషాలకు ఒక బస్సు అందుబాటులో ఉంటుంది.
రూట్ నంబర్ 10హెచ్: (కొండాపూర్ నుంచి సికింద్రాబాద్ పోలీస్ లైన్స్) ఆర్జే కాలేజీ తదితర ప్రాంతాల మీదుగా బస్సులు ప్రయాణిస్తాయి. ప్రతి 50 నిమిషాలకు ఒక సర్వీసు అందుబాటులో ఉంటుంది.
