ఆర్టీసీలో డ్రైవర్, శ్రామిక్‌ పోస్టుల భర్తీకి నోటిఫికేషన్‌ జారీ

తెలంగాణ ఆర్టీసీలో 1,743 పోస్టుల భర్తీకి తెలంగాణ పోలీస్ రిక్రూట్‌మెంట్ బోర్డు బుధవారం నోటిఫికేషన్‌ జారీ చేసింది. వీటిలో 1,000 డ్రైవర్ పోస్టులు, 743 శ్రామిక్ (మెకానిక్) పోస్టులు ఉన్నాయి. అక్టోబర్ 8 నుంచి 28 వరకు అర్హులైన అభ్యర్ధులు ఆన్‌లైన్‌లో మాత్రమే www.tgprb.in వెబ్‌సైట్‌కి దరఖాస్తులు సమర్పించవచ్చు. 

ఆర్టీసీలో ఈ ఉద్యోగాల భర్తీ ప్రక్రియ బాధ్యతని రాష్ట్ర ప్రభుత్వం ఈసారి పోలీస్ రిక్రూట్‌మెంట్ బోర్డుకి అప్పగించడం వలన టిజిపిఆర్‌బీ ఈ నోటిఫికేషన్‌ జారీ చేసింది. 

అర్హతలు: 

1. డ్రైవర్స్: వయసు 22-35 ఏళ్ళ లోపు. శ్రామిక్: 18-30 ఏళ్ళ లోపు. (ఎస్సీ,ఎస్టీ, బీసీ, ఈడబ్ల్యూఎస్ కేటగిరీలకు అదనంగా మరో 5 సంవత్సరాలు, ఎక్స్‌ సర్వీస్ మెన్‌కు అదనంగా మరో 3 ఏళ్ళు వయోపరిమితి సడలింపు ఉంటుంది.    

2.  డ్రైవర్స్:  కనీస విద్యార్హత: 10వ తరగతి పాస్ అయ్యుండాలి. నోటిఫికేషన్ వెలువడిన తేదీ నాటికి కనీసం 18 నెలలు హెవీ ప్యాసింజర్ లేదా రవాణా వెహికల్ లైసెన్స్ కలిగి ఉండాలి. 

3. శ్రామిక్: ఐటిఐ పాస్ అయ్యుండాలి. 

ఎంపిక విధానం: ఫిజికల్ ఫిట్‌నెస్, మెడికల్ ఫిట్‌నెస్, డ్రైవింగ్ టెస్ట్, సర్టిఫికెట్స్ వెరిఫికేషన్ ద్వారా డ్రైవర్లను ఎంపిక చేస్తారు. ఫిజికల్ ఫిట్‌నెస్, మెడికల్ ఫిట్‌నెస్, సర్టిఫికెట్స్ వెరిఫికేషన్, ఓరల్ ఇంటర్వ్యూ ద్వారా శ్రామిక్స్‌ను ఎంపిక చేస్తారు.

దరఖాస్తు ఫీజు: 

డ్రైవర్ పోస్టులకు ఎస్సీ,ఎస్టీ అభ్యర్ధులకు రూ.200, ఇతరులకు రూ.600. 

శ్రామిక్ పోస్టులకు ఎస్సీ,ఎస్టీ అభ్యర్ధులకు రూ.200, ఇతరులకు రూ.400.   

జీత భత్యాలు:  డ్రైవర్ల పే స్కేల్ : రూ. 20,960-60,080, శ్రామిక్స్ పే స్కేల్: రూ. 16,550-45,030.