గాంగ్స్ ఆఫ్ గోదావరి మే 31కి వాయిదా
May 09, 2024
గామి సినిమాతో హిట్ కొట్టిన విశ్వక్ సేన్‌ దానికి పూర్తి భిన్నమైన యాక్షన్ చిత్రం ‘గాంగ్స్ ఆఫ్ గోదావరి’తో మే 17న ప్రేక్షకుల ముందుకు రావలసి ఉండగా కాస్త ఆలస్యంగా మే 31వ తేదీకి రాబోతున్నట్లు విశ్వక్ సేన్‌ స్వయంగా తెలియజేశాడు. ఈ సినిమాలో విశ్వక్ సేన్‌ ‘లంకల రత్న’ అనే గ్యాంగ్ స్టర్‌గా నటిస్తున్నాడు. ఇటీవల విడుదలైన టీజర్‌ సినిమాపై అంచనాలు పెంచింది.
ఈ కధ 1960లలో గోదావరి జిల్లాలలో జరిగినట్లు చూపారు. ఓ గ్రామంలో వారందరూ హీరోని చంపేందుకు ప్రయత్నిస్తుంటే వారిని హీరో ఏవిదంగా ఎదుర్కొన్నాడు? అసలు వారు అతనిని ఎందుకు చంపాలనుకున్నారు? వారిని ఎదుర్కొంటూ హీరో అసామాన్య స్థాయికి ఏవిదంగా ఎదిగాడనేది ఈ సినిమా కధ. టీజర్‌లో విశ్వక్ సేన్‌ యాక్షన్ సీన్స్ అదరగొట్టేశాడు.
ఈ సినిమాలో విశ్వక్ సేన్‌కు జోడీగా నేహా శెట్టి నటిస్తోంది. అంజలి ఓ ప్రధాన పాత్ర చేస్తోంది. కృష్ణ చైతన్య దర్శకత్వంలో సూర్యదేవర నాగ వంశీ, సాయి సౌజన్య కలిసి సీతార ఎంటర్‌టైన్‌మెంట్‌ బ్యానర్‌పై ఈ సినిమాను నిర్మిస్తున్నారు. దీనికి సంగీతం: యువన్ శంకర్ రాజా, కెమెరా: అనిత్ మదాడి, ఆర్ట్: గాంధీ నడికుండికర్, ఎడిటింగ్: నవీన్ నూలి చేశారు.
Our gutsy Gangster 𝑳𝒂𝒏𝒌𝒂𝒍𝒂 𝑹𝒂𝒕𝒉𝒏𝒂 to arrive a little late but with a big Bang! 💥👊
After 5 years we coming to theatres on the same date as #FalaknumaDas, on 31st May to create history worldwide with #GangsOfGodavari 🌊🔥#GOGonMay31st 💥🔥 pic.twitter.com/EgM0PRj6pk
