రజనీకాంత్ లాల్ సలాం... నిన్న ట్రైలర్‌, రేపు సినిమా!
February 08, 2024
సూపర్ స్టార్‌ రజనీకాంత్ జైలర్ సినిమాతో సూపర్ హిట్ కొట్టిన తర్వాత ఇప్పుడు ‘లాల్ సలాం’ అంటూ మరో సినిమాతో రేపు (శుక్రవారం) ప్రేక్షకుల ముందుకు రాబోతున్నారు. ఈ సందర్భంగా ఈ సినిమా ట్రైలర్‌ బుధవారం విడుదల చేశారు.
దర్శకురాలు ఐశ్వర్య రాజేష్ ఈ సినిమాని క్రికెట్ ఆట నేపధ్యంలో మత రాజకీయాలు, ఘర్షణలతో కూడిన చాలా సున్నితమైన కధాంశాన్ని తీసుకొని తెరకెక్కించారని ట్రైలర్‌ చూస్తే అర్దమవుతోంది.
ఈ సినిమాలో సూపర్ స్టార్‌ రజనీకాంత్ ప్రధాన పాత్ర చేస్తుండగా, విష్ణు విశాల్, విక్రాంత్, సెంథిల్, జీవిత, తంబి రామయ్య, ఆనంతిక సనిల్ కుమార్, వివేక్‌ రామస్వామి ప్రసన్న, తంగదురై ముఖ్యపాత్రలు చేశారు.
ఈ సినిమాకు కధ, డైలాగులు: విష్ణు రామలింగస్వామి, సంగీతం: ఏఆర్ రహ్మాన్, కెమెరా: విష్ణు రంగస్వామి, కొరియోగ్రఫీ: దినేష్, స్టంట్స్‌: అనిల్ అరసు, కిక్ యాస్ కాళి, స్టంట్ విక్కీ, ఎడిటింగ్: బి. ప్రవీణ్ భాస్కర్ చేశారు. లైకా ప్రొడక్షన్ బ్యానర్‌పై సుభాస్కరన్ నిర్మించారు. రేపు ప్రపంచవ్యాప్తంగా లాల్ సలాం సినిమా విడుదల కాబోతోంది.
