హాయ్ నాన్న... మనసులను తాకే ట్రైలర్
November 25, 2023
నాని, మృణాల్ ఠాకూర్ జంటగా నటించిన ‘హై నాన్న’ సినిమా ట్రైలర్ విడుదలైంది. ట్రైలర్లో నాని, మృణాల్ ఠాకూర్ బేబీ కియరా ఖన్నాల మద్య సాగే భావోద్వేగాలతో కూడిన సన్నివేశాలు మనసును తాకే విదంగా ఉన్నాయి. ఓ చక్కటి రొమాంటిక్ స్టోరీ దానిలో ఓ తండ్రీ కూతుర్ల సెంటిమెంట్తో దీనిని పాన్ ఇండియా మూవీగా తీశారు కనుక ఉత్తరాది, దక్షిణాది ప్రజలు చక్కగా కనెక్ట్ అయ్యే అవకాశం ఉంది.
ఈ సినిమాతోనే దర్శకుడుగా పరిచయం అవుతున్న శౌర్వూవ్ ట్రైలర్ స్థాయిలోనే పూర్తి సినిమాని తెరకెక్కించి ఉంటే, అతని ఖాతాలో ఈ తొలి సినిమాతోనే హిట్ పడుతుంది. నాని, మృణాల్ ఠాకూర్ కెరీర్లో ఇది మరో సూపర్ హిట్గా నిలుస్తుంది.
ఇక ఈ సినిమాకు చక్కటి సంగీతం అందించిన హెషమ్ అబ్దుల్ వాహబ్ కొన్ని పాటలు కూడా పాడారు. వాటిలో గాజుబొమ్మ పాట హైలైట్ అని చెప్పుకోవచ్చు.
ఈ సినిమాకు సంగీతం: హేషం అబ్దుల్ వాహేబ్, కెమెరా: సను జాన్ వర్గీస్, ఎడిటింగ్: ప్రవీణ్ ఆంథోని, కొరియోగ్రఫీ: బోస్కో మార్టిస్, స్టంట్స్: విజయ్, పృధ్వీ అందించారు. వైరా ఎంటర్టైన్మెంట్స్ బ్యానర్పై మోహన్ చెరుకూరి, విజయేందర్ రెడ్డి తీగల కలిసి ఈ ‘హాయ్ నాన్న’ సినిమాను నిర్మిస్తున్నారు.
ఈ సినిమా డిసెంబర్ 7న తెలుగు, తమిళ, కన్నడ, మలయాళం, హిందీ భాషల్లో విడుదలకాబోతోంది.
