తెలంగాణలో మహిళల పరిస్థితి మారలే!
హనుమకొండ జిల్లా కమలాపూర్ మండలం గుండేడు గ్రామానికి చెందిన శ్రీజ జీవితంలో పెళ్లయిన మూడు నెలలకే ఈ మార్పు మొదలైంది. పెళ్లిలో ఆమె తల్లిదండ్రులు రూ.12 లక్షల నగదు, 16 తులాల బంగారాన్ని కట్నంగా ఇచ్చారు.
అయితే ఆమె భర్త రాజు, అత్తమామలు కలిసి అదనపు కట్నం కోసం వేధించడం ప్రారంభించారు. ఎప్పటికైనా భర్తలో మార్పు వస్తుందనే ఆశతో ఆమె దాదాపు నాలుగేళ్లు ఆ నరకాన్ని అనుభవించింది.
కానీ పరిస్థితి మారలేదు. ఆమె భర్త శ్రీజను ఇంటి నుంచి తరిమేసి మరో మహిళతో సహజీవనం ప్రారంభించాడు. దాదాపు రెండేళ్లుగా ఆమె తల్లిదండ్రుల వద్దనే ఉంటోంది. అయినా వేధింపులు మాత్రం ఆగలేదు.
పెద్దల జోక్యం కూడా పరిస్థితిని మార్చలేకపోయింది. దీంతో విసుగెత్తిపోయిన ఆమె తన తల్లిదండ్రులతో కలిసి భర్త ఇంటి ముందు ధర్నాకు దిగింది. తమ కూతురికి న్యాయం జరిగే వరకు అక్కడి నుంచి కదిలే ప్రసక్తే లేదని వారు తేల్చి చెప్పారు.
ఇంత వేగంగా తెలంగాణ రాష్ట్రం అభివృద్ధి చెందుతున్నా, నేటికీ మహిళలు ఇటువంటి సమస్యలు ఎదుర్కోవాల్సి రావడం, న్యాయం కోసం ఈ విధంగా పోరాడాల్సి రావడం నిజంగా బాధాకరం.
8.jpg "బీఆర్ఎస్ విమర్శలకు కాంగ్రెస్ సమాధానం ఇదే!")
