జూబ్లీహిల్స్ మెట్రో స్టేషన్ వద్ద భారీ అగ్ని ప్రమాదం
February 26, 2026
ఈరోజు మధ్యాహ్నం సుమారు 12 గంటలకు జూబ్లీహిల్స్ మెట్రో స్టేషన్ సమీపంలో భారీ అగ్ని ప్రమాదం జరిగింది. స్టేషన్కు సమీపంలో మంగళగౌరి బట్టల దుకాణం ఉంది. దాని ఆవరణ అందంగా అలంకరించేందుకు వెదురు బద్దలు, గుడ్డతో తయారుచేసిన ఓ గోపురం ఏర్పాటు చేశారు. దానికే మంటలు అంటుకొని భవనంలోకి వ్యాపించాయి.సమాచారం అందుకున్న అగ్నిమాపక సిబ్బంది హుటాహుటిన వచ్చి మూడు ఫైర్ ఇంజన్లతో మంటలు ఆర్పేశారు. ఈ అగ్నిప్రమాదంలో కొంత ఆస్తి నష్టం తప్ప ఎవరూ గాయపడలేదు, గోపురం డెకరేషన్ కోసం లోపల లైట్లు ఏర్పాటు చేశారు. వాటి వైరింగులో షార్ట్ సర్క్యూట్ అవడంతో వెంటనే మంటలు అంటుకొని వ్యాపించినట్లు ప్రాధమిక సమాచారం.
