మరో మహానటి కాంత? ట్రైలర్‌ అదుర్స్
సెల్వమణి సెల్వరాజ్ దర్శకత్వంలో దుల్కర్ సల్మాన్, భాగ్యశ్రీ బోర్సే జంటగా చేస్తున్న ‘కాంత’ ట్రైలర్‌ ఈరోజు విడుదలయ్యింది. ఇదివరకు సావిత్రి జీవితగాధతో ‘మహానటి’తో హిట్ అందుకున్న దుల్కర్ సల్మాన్ మళ్ళీ అటువంటి ఈ సినిమా ‘కాంత’తో మరో హిట్ కొట్టబోతున్నట్లు నేడు విడుదల చేసిన ట్రైలర్‌ చూస్తే స్పష్టమవుతుంది. అయితే ఈ పీరియాడికల్ సినిమాలో ఆయనే మహా నటుడు అనిపిస్తుంది ట్రైలర్‌ చూస్తే!
ఈ సినిమాలో సముద్రఖని, రానా దగ్గుబాటి, భాగ్యశ్రీ బోర్సే ముఖ్యపాత్రలు చేశారు.
ఈ సినిమాకు సంగీతం: జాను చందర్, కెమెరా: డేనీ సంచేజ్ లోపెజ్, ఎడిటర్: ల్యూవెలిన్ ఆంథనీ గోన్సాల్వెస్, ఆర్ట్ డైరెక్టర్: రామలింగం చేశారు.
స్పిరిట్ మీడియా, వేఫరర్ ఫిలిమ్స్ బ్యానర్లపై రానా దగ్గుబాటి, దుల్కర్ సల్మాన్, ప్రశాంత్ పొట్లూరి, జోం వర్గీస్ కలిసి నిర్మిస్తున్న ‘కాంత’ ఈ నెల 14న ప్రపంచవ్యాప్తంగా విడుదల కాబోతోంది.
