ఎస్‌డీఆర్ఎఫ్ సిబ్బంది అందరూ సేఫ్!
ఖమ్మం జిల్లా సత్తుపల్లి మండలంలోని బేతుపల్లి చెరువులో గల్లంతయిన 10 మంది ఎస్‌డీఆర్ఎఫ్ క్షేమంగా ఉన్నారు. వారి కోసం గాలిస్తున్న మరో ఎస్‌డీఆర్ఎఫ్, ఎన్‌డీఆర్ఎఫ్ బృందాలు ముందుగా ఐదుగురిని కనిపెట్టి ఒడ్డుకు తీసుకు వచ్చారు. ఆ తర్వాత మరో ముగ్గురు ఆచూకి కనిపెట్టి వారినీ కాపాడారు. ఆ తర్వాత మిగిలిన వారితో పాటు వరదలోచిక్కుకున్న ఓ మత్స్యకారుడిని కూడా కాపాడి ఒడ్డుకు తెచ్చారు.
బెతుపల్లి చెరువులో వరదలో చిక్కుకున్న మత్స్యకారులను కాపాడేందుకు బుధవారం సాయంత్రం ఎస్‌డీఆర్ఎఫ్ సిబ్బంది రెండు బోట్లలో వెళ్ళినప్పుడు వారి రెండు బోట్లు తిరగబడ్డాయి. వాటిలో ఉన్న 10 మంది సిబ్బంది ఆ ప్రవాహంలో కొట్టుకుపోయారు. కానీ వారు ఈదుకుంటూ సురక్షిత ప్రాంతం చేరుకొని ప్రాణాలు కాపాడుకున్నారు. ఎస్‌డీఆర్ఎఫ్, ఎన్‌డీఆర్ఎఫ్ బృందాలు వారిని కాపాడి ఒడ్డుకు తీసుకు రావడంతో అందరూ ఊపిరి పీల్చుకున్నారు.
