తెలంగాణ రాష్ట్ర వ్యాప్తంగా శనివారం నుంచి మహిళలకు ఉచిత బస్సు సౌకర్యం అందుబాటులోకి రాబోతోంది. మహాలక్ష్మి పధకం కింద టిఎస్ఆర్టీసీ బస్సులలో రాష్ట్రంలో ఎక్కడి నుంచి ఎక్కడికైనా మహిళలు ఉచితంగా ప్రయాణించవచ్చు. దీనికి సంబందించి మార్గదర్శకాలను టిఎస్ఆర్టీసీ విడుదల చేసింది.
• టిఎస్ఆర్టీసీ ఎక్స్ప్రెస్, మెట్రో ఎక్స్ప్రెస్, ఆర్డినరీ, సిటీ బసులలో ప్రయాణించవచ్చు.
• తెలంగాణ స్థానికత కలిగిన మహిళలు, బాలికలు, విద్యార్ధినులు, ట్రాన్స్ జెండర్స్ గుర్తింపు కార్డు చూపించి ఉచితంగా ప్రయాణించవచ్చు.
• కిలోమీటర్ల ప్రయాణ పరిమితి లేదు. రాష్ట్రంలో ఎక్కడి నుంచి ఎక్కడికైనా ప్రయాణించవచ్చు.
• తెలంగాణ రాష్ట్రం పరిధిలో తిరిగే టిఎస్ఆర్టీసీ బస్సులలో మాత్రమే ఉచిత ప్రయాణ సౌకర్యం ఉంటుంది. కనుక పొరుగు రాష్ట్రాలకు వెళ్ళేవారికి రాష్ట్ర సరిహద్దు వరకు ఉచిత ప్రయాణం, ఆ పైన యధాప్రకారం ఛార్జీలు చెల్లించవలసి ఉంటుంది.
• ఉచిత ప్రయాణం వెసులు బాటు పొందే మహిళలకు ‘జీరో ఛార్జీ టికెట్ ఇవ్వబడుతుంది.
• శనివారం మధ్యాహ్నం 1.30 గంటలకు సిఎం రేవంత్ రెడ్డి ఈ మహాలక్ష్మి ఉచిత బస్సు పధకాన్ని ప్రారంభిస్తారు.
• ఈ పధకం ప్రారంభించగానే మధ్యాహ్నం 2 గంటల నుంచి రాష్ట్ర వ్యాప్తంగా తిరిగే 7,200 బస్సులలో మహిళలు ఉచితంగా ప్రయాణించవచ్చు.