సంబంధిత వార్తలు
టాలీవుడ్ వార్తలు
ఓటిటి రిలీజ్.. టేబుల్ ప్రాఫిట్..?
ఎలాంటి అంచనాలు లేకుండా వచ్చి కేరాఫ్ కంచెరపాలెం సినిమాతో సూపర్ హిట్ అందుకున్న డైరక్టర్ వెంకటేష్ మహా తన సెకండ్ మూవీని కూడా అంచనాలను అందుకునేలా ఉన్నాడు. సత్యదేవ్ హీరోగా ఉమామహేశ్వర ఉగ్రరూపస్య సినిమాను తీసిన వెంకటేష్ మహా ఆ సినిమాను డైరెక్ట్ డిజిటల్ రిలీజ్ చేస్తున్నారు. ఆర్కా మీడియా నిర్మించిన ఈ సినిమా మొత్తం మూడున్నర కోట్ల బడ్జెట్ తో పూర్తి చేయగా నెట్ ఫ్లిక్స్ ఈ సినిమాను 4 కోట్లకు కొనేసిందట.
డిజిటల్ రిలీజ్ చేసినా సరే ఉమామహేశ్వర్ సినిమాకు లాభాలు వచ్చినట్టే. ఇక దీనితో పాటుగా మరో రెండు నుండి మూడు కోట్ల దాకా శాటిలైట్ రైట్స్ వచ్చే అవకాశం ఉంది. సో మొత్తానికి లాక్ డౌన్ టైం లో ఈ సినిమా డిజిటల్ రిలీజ్ అవుతున్నా సరే దర్శక నిర్మాతలకు లాభాలు తెచ్చిందని చెప్పొచ్చు. ఈ సినిమాను ఈ నెల చివర్లో కాని జూలై మొదటివారంలో కాని నెట్ ఫ్లిక్స్ లో రిలీజ్ కానుంది.
