సంబంధిత వార్తలు
టాలీవుడ్ వార్తలు
ప్రభాస్ 21 విలన్ ఎవరంటే..!
యంగ్ రెబల్ స్టార్ ప్రభాస్ హీరోగా మహానటి దర్శకుడు నాగ్ అశ్విన్ డైరక్షన్ లో సినిమా ఎనౌన్స్ చేసిన విషయం తెలిసిందే. వైజయంతి బ్యానర్ 50 ఏళ్ళు పూర్తి చేసుకున్న సందర్భంగా ఈ కాంబో సెట్ చేశారు. ఈ సినిమాను స్టైల్ లో తెరకెక్కిస్తారని తెలుస్తుంది. సినిమా కథ విన్న నిర్మాత అశ్వనీదత్ షాక్ అయ్యారట.. ప్రభాస్ తో సినిమా చేయాలని ఎప్పటినుండో అనుకుంటున్నా అశ్వనీదత్ కు సరైన కథ దొరకడంతో సినిమా షురూ చేశారు.
పిరియాడికల్ మూవీగా రాబోతున్న ఈ సినిమా భారీ బడ్జెట్ తో నిర్మిస్తారని తెలుస్తుంది. ఈ మూవీలో విలన్ గా అరవింద స్వామిని తీసుకునే ఆలోచనలో ఉన్నారట. తమిళంలో హీరోగా సెన్సేషనల్ సినిమాలు చేసిన అరవింద స్వామి తన సెకండ్ ఇన్నింగ్స్ ను విలన్ గా కొనసాగిస్తున్నారు. తని ఒరువన్ తో విలన్ గా ఆకట్టుకున్న అరవింద స్వామి ఆ సినిమా తెలుగు రీమేక్ ధృవలో కూడా నటించి మెప్పించాడు. ఇక ప్రభాస్ 21వ సినిమాలో కూడా అరవింద స్వామిని విలన్ గా సెలెక్ట్ చేశారని టాక్. క్రేజీ మూవీగా రాబోతున్న ఈ సినిమా ఎలాంటి సంచలనాలు సృష్టిస్తుందో చూడాలి.
