టాలీవుడ్ వార్తలు

వైజయంతి మూవీస్ 50 ఏళ్ళు పూర్తి చేసుకున్న సందర్భంగా ప్రభాస్ తో సినిమా ఎనౌన్స్ చేశారు నిర్మాత సి.అశ్వనీదత్. మహానటి దర్శకుడు నాగ్ అశ్విన్ డైరక్షన్ లో ప్రభాస్ హీరోగా ఒక భారీ బడ్జెట్ సినిమా ఈమధ్యనే ఎనౌన్స్ చేశారు. ఈ సినిమాకు సంబందించిన స్క్రిప్ట్ వర్క్ జరుగుతుంది. ఇక ఈ సినిమాతో పాటుగా జగదేకవీరుడు అతిలోకసుందరి సీక్వల్ ప్లానింగ్ లో ఉందని అన్నారు అశ్వనీదత్. జగదేక వీరుడు అతిలోకసుందరి సినిమా మే 9కి 30 ఏళ్ళు పూర్తి చేసుకున్న సందర్భంగా ఆ సినిమాకు సంబందించిన 3 హిడెన్ స్టోరీస్ వీడియోస్ బయట పెడుతున్నారు. 

అందులో ఒకటి ఆ సినిమా ఎలా మొదలైంది అన్న విషయాన్ని నాని తన వాయిస్ ఓవర్ తో చెబుతాడు. ఇక ఈ సందర్భంగా మీడియాతో ముచ్చటించిన అశ్వనీదత్ ప్రభాస్ సినిమా ఈ ఇయర్ ఎండింగ్ లో స్టార్ట్ అయ్యి 2022 లో రిలీజ్ చేస్తారని వెళ్లడించారు. ఇక జగదేకవీరుడు అతిలోకసుందరి సీక్వల్ కథ రెడీగా ఉందని.. ఆ సినిమా తీసి నిర్మాతగా తను రిటైర్ అవుతా అంటున్నారు అశ్వనీదత్. మరి ఆ సీక్వల్ లో కాస్టింగ్ ఎవరు అన్నది తెలియాల్సి ఉంది.