టాలీవుడ్ వార్తలు

లాస్ట్ ఇయర్ మజిలీ, వెంకీ మామ సినిమాలతో సూపర్ హిట్ అందుకున్న అక్కినేని హీరో నాగ చైతన్య ప్రస్తుతం శేఖర్ కమ్ముల డైరక్షన్ లో లవ్ స్టోరీ సినిమా చేస్తున్నాడు. ఫిదా తర్వాత శేఖర్ కమ్ముల చేస్తున్న ఈ సినిమాలో కూడా హీరోయిన్ గా సాయి పల్లవిని తీసుకోవడం విశేషం. ఇక ఈ సినిమా తర్వాత నాగ చైతన్య విక్రమ్ కుమార్ డైరక్షన్ లో సినిమా చేస్తాడని తెలుస్తుంది. ఆల్రెడీ మనంతో సూపర్ హిట్ అందుకున్న ఈ కాంబో మళ్ళీ కలిసి పనిచేయనున్నారు.   

విక్రమ్ కుమార్ కథ చెప్పడం ఆ స్టోరీని చైతు ఒకే చేయడం అంతా జరిగిందట. లవ్ స్టోరీ చివరి దశకు చేరుకోగానే ఈ సినిమా సెట్స్ మీదకు వెళ్తుందట. ఈ సినిమాకు థ్యాంక్యూ టైటిల్ పరిశీలనలో ఉందని తెలుస్తుంది. దాదాపు ఇదే టైటిల్ కన్ఫర్మ్ చేస్తారని అంటున్నారు. లాస్ట్ ఇయర్ నానితో గ్యాంగ్ లీడర్ సినిమా చేసినా విక్రమ్ కుమార్ ఆ సినిమాను కమర్షియల్ హిట్ గా మలచడంలో విఫలమయ్యారు. మరి నాగ చైతన్యతో చేస్తున్న ఈ సినిమా అయినా సూపర్ హిట్ కొడుతుందో లేదో చూడాలి.