టాలీవుడ్ వార్తలు

యువ హీరో నిఖిల్ లాస్ట్ ఇయర్ అర్జున్ సురవరం సినిమాతో హిట్ అందుకున్నాడు. రిలీజ్ వాయిదాలతో సినిమాపై క్రేజ్ తగ్గినా చిరు రాకతో సినిమా రిలీజ్ ముందు బజ్ ఏర్పడి ఎలాగోలా సూపర్ హిట్ అందుకుంది నిఖిల్ సినిమా. ఇక ఆ సినిమా తర్వాత ఒకేసారి రెండు క్రేజీ ప్రాజెక్టులు చేస్తున్నాడు నిఖిల్. అందులో ఒకటి సూపర్ హిట్ మూవీ కార్తికేయ సీక్వల్ కాగా.. మరోటి సుకుమార్ నిర్మాణంలో వస్తున్నా 18 పేజెస్. కుమారి 21f డైరక్టర్ సూర్య ప్రతాప్  డైరక్షన్ లో వస్తున్న ఈ సినిమా లవ్ స్టోరీగా రాబోతుంది. 

ఇక ఈ సినిమాతో పాటుగా చందు మొండేటి డైరక్షన్ లో కార్తికేయ 2 వస్తుంది. ఈ సినిమా కాన్సెప్ట్ వీడియో రిలీజై సినిమాపై అంచనాలు పెంచింది. ఐతే ఈ సినిమాను తెలుగుతో పాటుగా తమిళ, హిందీ భాషల్లో కూడా రిలీజ్ చేయాలని అనుకుంటున్నారట. కార్తికేయతో మెప్పించిన చందు, నిఖిల్ మరోసారి ఈ సీక్వల్ తో సూపర్ హిట్ కొట్టాలని చూస్తున్నారు. మరి తెలుగుతో పాటుగా మొదటిసారి తమిళ, హిందీ ప్రేక్షకుల ముందుకు రాబోతున్న నిఖిల్ ఎలాంటి ఫలితాన్ని అందుకుంటాడో చూడాలి.