టాలీవుడ్ వార్తలు

వైఎస్సార్ బయోపిక్ గా మహి వి రాఘవ్ డైరక్షన్ లో వచ్చిన సినిమా యాత్ర. వైఎస్ పాదయాత్ర నేపథ్యంలో వచ్చిన ఆ సినిమా ప్రేక్షకులను అలరించింది. ఏపిలో వైఎస్ జగన్ గెలిచిన సందర్భంగా యాత్ర దర్శకుడు మహి వి రాఘవ్ యాత్ర 2 ఎనౌన్స్ చేశాడు. తాను చెప్పాలనుకున్న కథ మీరు రాశారంటూ ట్వీట్ చేశాడు. ఇక అనుకున్నట్టుగానే వైఎస్సార్ జీవిత కథలో వైఎస్ రాజా రెడ్డి, వైఎస్ జగన్మోహన్ రెడ్డి లేకపోతే ఎలా అంటున్నాడు.

అది చెప్పేందుకే యాత్ర-2 తీస్తున్నా అంటున్నాడు. వైఎస్ యాత్ర రాజా రెడ్డి సమాధి దగ్గర నుండి మొదలవగా.. యాత్ర-2 వైఎస్సార్ సమాధి నుండి మొదలవుతుందని ట్వీట్ చేశారు మహి వి రాఘవ్. ఇక ఈ సినిమాలో వైఎస్ జగన్ పాత్రలో కోలీవుడ్ స్టార్ హీరో సూర్య నటిస్తాడని తెలుస్తుంది. వైఎస్ జగన్ ఫ్యామిలీతో సత్సంబంధాలున్న సూర్య ఎన్.జి.కే ఈవెంట్ లో జగన్ ను జగనన్నా అనడం విశేషం. 

యాత్ర-2లో నటించడానికి తనకేం అభ్యంతరం లేదని.. కాకపోతే ఆ సినిమాకు సంబందించి తనని ఎవరు కలవలేదని అన్నాడు సూర్య. ఒకవేళ సూర్య మిస్సైతే వైఎస్ జగన్ గా దుల్కర్ సల్మాన్ నటిస్తాడని తెలుస్తుంది. వైఎస్సార్ యాత్రలో వైఎస్ గా మమ్ముట్టి నటించి మెప్పించిన విషయం తెలిసిందే.

YSR’S story is incomplete without Y.S. Raja reddy & Y.S.Jagan. Yatra 2 will complete their story. The reason why Yatra ended on Y.S. Jagan is we could take it off from where we left. YSR’s Yatra started from his father grave and Jagan’s Yatra from his father’s #yatra2 @ShivaMeka

— Mahi Vraghav (@MahiVraghav) May 29, 2019