టాలీవుడ్ వార్తలు

టాలీవుడ్ లో మరో క్రేజీ మల్టీస్టారర్ మూవీ రాబోతున్న విషయం తెలిసిందే. అదే వెంకీ మామ. ఈసారి రియల్ లైఫ్ మామా అల్లుళ్లు విక్టరీ వెంకటేష్ నాగ చైతన్య కలిసి చేస్తున్న ఈ ప్రాజెక్ట్ పై భారీ అంచనాలు ఉన్నాయి. ఆల్రెడీ ఎఫ్-2తో సంచలన విజయం అందుకున్న వెంకటేష్ మళ్లీ వెంకీ మామతో అదే హిట్ ఫాం కొనసాగించాలని చూస్తున్నాడు. రకుల్ ప్రీత్ సింగ్, పాయల్ రాజ్ పుత్ హీరోయిన్స్ గా నటిస్తున్న ఈ సినిమా సెప్టెంబర్ 13న రిలీజ్ ఫిక్స్ చేశారు. 

జై లవ కుశ తర్వాత కొద్దిపాటి గ్యాప్ తీసుకుని కె.ఎస్ రవింద్ర అలియాస్ బాబి డైరెక్ట్ చేస్తున్న సినిమా వెంకీమామ. మజిలీ సూపర్ హిట్ తో చైతు.. ఎఫ్-2 హిట్ తో వెంకటేష్ ఇద్దరు కలిసి చేస్తున్న ఈ క్రేజీ మూవీపై అంచనాలు భారీగా ఉన్నాయి. మరి ఈ సినిమా వారి సక్సెస్ మేనియా కొనసాగించేలా ఉంటుందో లేదో చూడాలి. ఆగష్టు 15న సాహో రిలీజ్ ఫిక్స్ చేయగా.. అక్టోబర్ 2న సైరా కూడా రిలీజ్ అంటున్నారు. అందుకే వెంకీ మామ కూడా సెప్టెంబర్ 13న రిలీజ్ ఫిక్స్ చేసుకున్నాడు. చూస్తుంటే ఈ ఇయర్ సెకండ్ హాఫ్ లో తెలుగు ప్రేక్షకులకు కావాల్సినంత హంగామా ఉండేలా కనిపిస్తుంది.