టాలీవుడ్ వార్తలు

నూతన దర్శకుడు మహేష్ బాపు దర్శకత్వంలో రామ్ పోతినేని, భాగ్యశ్రీ బోరే జంటగా చేసిన ‘ఆంధ్రా కింగ్‌ తాలూకా’ నుంచి ‘ఫస్ట్ డే ఫస్ట్ షో...’ అంటూ సాగే పాట నేడు విడుదలైంది. దినేష్ కాకేర్ల వ్రాసిన ఈ పాటకి వివేక్, మెర్విన్ సంగీతం అందించగా ఆంధ్రా కింగ్ అభిమానులు పాడారు. మహాలక్ష్మి థియేటర్లో అభిమాన హీరో సినిమా రిలీజ్ సందర్భంగా థియేటర్ ఎదుట హీరో రామ్ పోతినేని బృందం చేసిన డాన్స్ అదిరిపోయింది.       

ఈ సినిమా “ఓ అభిమాని బయోపిక్” అని దర్శకుడు ముందే చెప్పేశారు. కనుక 1970-80 లలో హీరోల అభిమానులు ఏవిదంగా ఉండేవారో ఈ సినిమాలో చూపిస్తున్నారు.    

ఈ సినిమాలో సినీ హీరోగా ప్రముఖ కన్నడ నటుడు ఉపేంద్ర సినీ హీరోగా నటించగా, ఆయన వీరాభిమానిగా రామ్ పోతినేని నటించారు. రావు రమేష్, మురళీ శర్మ, సత్య, రాహుల్ రామకృష్ణ, విటీవీ గణేష్ తదితరులు ముఖ్య పాత్రలు చేశారు.

ఈ సినిమాకు కధ, దర్శకత్వం, స్క్రీన్ ప్లే: మహేష్ బాబు బాపు, పాటలు: రామ్ మిరియాల, కార్తీక్ సంగీతం: వివేక్, మెర్విన్, కెమెరా: సిద్ధార్థ్ నుని, ఎడిటింగ్: శ్రీకర్ ప్రసాద్ చేశారు.  

మైత్రీ మూవీ మేకర్స్ బ్యానర్‌పై నవీన్ ఎర్నేని, రవిశంకర్ కలసి ఈ సినిమా నిర్మిస్తున్నారు. ఈ సినిమా నవంబర్‌ 28 న ప్రపంచవ్యాప్తంగా విడుదల కాబోతోంది. కానీ ఒకరోజు ముందే ప్రీమియర్స్ వేయబోతున్నట్లు తాజా సమాచారం.