సంబంధిత వార్తలు
టాలీవుడ్ వార్తలు
నో కాంప్రమైజ్ రాజమౌళి..!
ఒక్క ఫ్లాపు లేకుండా సినిమా సినిమాకు తన రేంజ్.. సినిమా రేంజ్ పెంచుకుంటూ వెళ్తున్న దర్శకుడు రాజమౌళి. బాహుబలి సినిమాతో తన స్టామినా ఏంటన్నది ప్రూవ్ చేసుకున్నాడు. ఇక ప్రస్తుతం ఆర్.ఆర్.ఆర్ తో అదరగొట్టేందుకు రెడీ అవుతున్నాడు. ఈ సినిమాను అక్టోబర్ 13న రిలీజ్ ప్లాన్ చేశారు. ప్రస్తుతం సినిమాలో ఎన్.టి.ఆర్ అండర్ వాటర్ ఫైట్ సీక్వెన్స్ షూట్ జరుగుతుందట. అయితే ఈ ఫైట్ సీక్వెన్స్ మొదటి రెండు సార్లు చేసినా అవుట్ మీద జక్కన్న అంత సంతృప్తిగా లేరట. అందుకే మూడు సార్లు ఈ ఫైట్ సీక్వెన్స్ కంపోజ్ చేశారని టాక్.
సినిమాలో కొమరం భీం పాత్రలో ఎన్.టి.ఆర్, అల్లూరి సీతారామ రాజు పాత్రలో రాం చరణ్ నటిస్తున్నారు. డివివి దానయ్య నిర్మిస్తున్న ఈ సినిమాకు 400 కోట్ల భారీ బడ్జెట్ ను కేటాయిస్తున్నట్టు తెలుస్తుంది. సినిమాలో ఎన్.టి.ఆర్, రాం చరణ్ లతో పాటుగా అజయ్ దేవగన్, అలియా భట్ నటిస్తున్నారు. హాలీవుడ్ స్టార్ ఒలివియా మోరిస్ కూడా నటిస్తున్నారు.
