టాలీవుడ్ వార్తలు

యువ హీరో నాగ శౌర్య తన 20వ సినిమా ఫస్ట్ లుక్ పోస్టర్ తో వచ్చి ప్రేక్షకులను సర్ ప్రైస్ చేసాడు. కండలు తిరిగిన దేహంతో నాగ శౌర్య లుక్ అదిరిపోయింది. సంతోష్ జాగర్లమూడి డైరక్షన్ లో తెరకెక్కే ఈ సినిమాను నారాయణ దాస్, శరత్ మరార్ కలిసి నిర్మిస్తున్నారు. ఇక ఈ సినిమాకు సంబందించిన ఫస్ట్ లుక్ లో నాగ శౌర్య విలుకాడుగా కనిపించి అలరించాడు. 

మాస్ ఇమేజ్ కోసం కొన్నాళ్ళుగా ట్రై చేస్తున్న నాగ శౌర్య ఈ కొత్త సినిమాలో సిక్స్ ప్యాక్ బాడీతో షాక్ ఇచ్చాడు. ఈ సినిమాకు పార్ధు టైటిల్ ఫిక్స్ చేస్తున్నట్టు తెలుస్తుంది. ఈ ఇయర్ వచ్చిన అశ్వద్ధామ సినిమా నిరాశపరచగా రాబోయే ఈ సినిమా అయినా సరే యువ హీరో ఖాతాలో హిట్ జోష్ తెస్తుందో లేదో చూడాలి. ఈ సినిమాతో పాటుగా మరో స్టోరీని ఫైనల్ చేసిన నాగ శౌర్య త్వరలోనే ఆ సినిమా ఎనౌన్స్ మెంట్ కూడా చేస్తారని తెలుస్తుంది. నాగ శౌర్య 20వ సినిమాగా రాబోతున్న ఈ మూవీలో రొమాంటిక్ హీరోయిన్ కెతిక శర్మ హీరోయిన్ గా నటిస్తుందని తెలుస్తుంది.