సంబంధిత వార్తలు
టాలీవుడ్ వార్తలు
2.ఓ ట్రైలర్.. శంకర్ సత్తా ఏంటో చూపించాడు..!
సూపర్ స్టార్ రజినికాంత్, శంకర్ కాంబినేషన్ లో రోబో సీక్వల్ గా వస్తున్న సినిమా 2.ఓ. లైకా ప్రొడక్షన్స్ బ్యానర్ లో 550 కోట్ల భారీ బడ్జెట్ తో వస్తున్న ఈ సినిమా టీజర్ అంచనాలు పెంచగా ఈ సినిమా ట్రైలర్ కొద్ది గంటల క్రితం రిలీజై సంచలనం సృష్టిస్తుంది. అంచనాలకు తగినట్టుగానే శంకర్ చేసిన అద్భుత సృష్టి ఈ 2.ఓ అనేలా ఉంది. ట్రైలర్ ఆద్యంతం ఆసక్తికరంగా ఉంది.
సినిమాలో రజినికి ప్రతి నాయకుడిగా అక్షయ్ కుమార్ నటిస్తున్నాడు. ఎమీ జాక్సన్ హీరోయిన్ గా నటిస్తున్న ఈ సినిమాకు ఏ.ఆర్.రహమాన్ మ్యూజిక్ అందిస్తున్నారు. నవంబర్ 29న రిలీజ్ కాబోతున్న ఈ సినిమా ట్రైలర్ అదరగొట్టేసింది. హాలీవుడ్ సినిమాలకు ఏమాత్రం తీసిపోని విధంగా ఈ సినిమా టేకింగ్ ఉంది. రోబోతో సంచలనాలు సృష్టించిన శంకర్ 2.ఓ తో ఇంకా ఎలాంటి రికార్డులు క్రియేట్ చేస్తాడో చూడాలి.
