సంబంధిత వార్తలు
టాలీవుడ్ వార్తలు
జెర్సీ డైరక్టర్ తో విజయ్ దేవరకొండ..!
సుమంత్ మళ్లీరావా సినిమాతో సత్తా చాటి నాచురల్ స్టార్ నానితో జెర్సీ లాంటి సూపర్ హిట్ సినిమాను తీశాడు టాలెంటెడ్ డైరక్టర్ గౌతం తిన్ననూరి. తెలుగులో జెర్సీ హిట్ అవగానే ఆ సినిమా హిందీ రీమేక్ ఆఫర్ రాగా అక్కడ కూడా గౌతం రీమేక్ చేస్తున్నాడు. షాహిద్ కపూర్ హీరోగా తెరకెక్కుతున్న హిందీ జెర్సీ సినిమాపై కూడా అంచనాలు భారీగా ఉన్నాయి. ఆ తర్వాత తెలుగులో చరణ్ తో గౌతం సినిమా ఉంటుందని టాక్ వచ్చింది.
లేటెస్ట్ గా చరణ్ సినిమా కన్నా ముందు రౌడీ హీరో విజయ్ దేవరకొండతో గౌతం తిన్ననూరి సినిమా ఉంటుందని అంటున్నారు. విజయ్ దేవరకొండ ఇమేజ్ కు తగినట్టుగా ఓ రొమాంటిక్ ఎంటర్టైనర్ కథ సిద్ధం చేశాడట గౌతం. కథ కూడా విజయ్ కు నచ్చి గ్రీన్ సిగ్నల్ ఇచ్చాడట. సో చరణ్ సినిమా కన్నా ముందు విజయ్ దేవరకొండతో సినిమా తీస్తున్నాడు గౌతం తిన్ననూరి. ఆ సినిమాకు సంబందించిన అఫీషియల్ ఎనౌన్స్ మెంట్ మిగతా డీటైల్స్ బయటకు రావాల్సి ఉంది.
