టాలీవుడ్ వార్తలు

మంచు విష్ణు ‘కన్నప్ప’గా చేస్తున్న సినిమా టీజర్‌ శనివారం (మార్చి 1)న విడుదల చేయబోతున్నట్లు చిత్ర బృందం ప్రకటించింది. ఈ సినిమా నుంచి విడుదలైన ‘శివ శివ శంకరా..’  మొదటి లిరికల్ వీడియో సాంగ్‌కు మంచి స్పందన వస్తుండటంతో సినిమాపై అంచనాలు పెరిగాయి. కనుక రేపు విడుదలకాబోయే టీజర్‌ ఆ అంచనాలు మరింత పెంచుతుందో లేదో చూడాలి. 

హిందీ ‘మహా భారత్’ సీరియల్ దర్శకుడు ముఖేష్ కుమార్‌ సింగ్‌ దర్శకత్వంలో ‘కన్నప్ప’ తీస్తున్నారు. ఈ సినిమాలో నుపూర్ సనన్ మంచు విష్ణుకి జోడీగా నటిస్తోంది. బాలీవుడ్‌ నటులు అక్షయ్ కుమార్, కాజల్ అగర్వాల్ శివపార్వతులుగా నటిస్తున్నారు. ప్రభాస్‌ రుద్రుడుగా నటిస్తున్నారు. మోహన్ బాబు, బ్రహ్మానందం, శరత్ కుమార్, మోహన్ లాల్ తదితరులు ఈ సినిమాలో ముఖ్యపాత్రలు చేస్తున్నారు. 

కన్నప్ప సినిమాకు మణిశర్మ, స్టీఫెన్ దేవాస్సీ: సంగీతం, షెల్డన్ షావ్: కెమెరా, చిన్న ఆర్ట్ డైరెక్టర్‌గా పనిచేస్తున్నారు.

అవా ఎంటర్‌టైన్‌మెంట్స్, 24 ఫ్రేమ్స్ ఫ్యాక్టరీ బ్యానర్లపై మోహన్ బాబు, మంచు విష్ణు సుమారు రూ.200 కోట్ల భారీ బడ్జెట్‌తో ఈ సినిమాని 5 భాషల్లో నిర్మిస్తున్నారు. ఏప్రిల్ 25న కన్నప్ప ప్రపంచవ్యాప్తంగా విడుదల కాబోతోంది.