టాలీవుడ్ వార్తలు

శ్రీకాంత్ ఓదెల- నేచురల్ స్టార్ నాని కాంబినేషన్‌లో వచ్చిన ‘దసరా’ సూపర్ హిట్ అయినందున వారి తాజా చిత్రం ‘ది ప్యారడైజ్’ సినిమాపై చాలా భారీ అంచనాలున్నాయి. ఈ సినిమా ఫస్ట్ గ్లింమ్స్‌ మార్చి 3న విడుదల కాబోతోంది.

దేవరతో టాలీవుడ్‌లో అడుగుపెట్టిన బాలీవుడ్‌ అందాలభామ జాన్వీ కపూర్‌ ఈ సినిమాలో నానికి జోడీగా నటిస్తోంది. ఈ సినిమాలో మోహన్ బాబు విలన్‌గా, రమ్య కృష్ణ నాని తల్లిగా నటిస్తున్నారు.  

ఈ సినిమాకి సంగీతం: అనిరుధ్ రవిచందర్ అందిస్తున్నారు. దసరా సినిమా నిర్మాత చెరుకూరి సుధాకర్ తమ ఎస్ఎల్‌వీ సినిమాస్ బ్యానర్‌పై ఈ సినిమా నిర్మిస్తున్నారు.

ఈ సినిమాతో పాటు శైలేష్ కొలను దర్శకత్వంలో నాని ‘హిట్- థర్డ్ కేస్' సినిమా పూర్తిచేస్తున్నారు. ఈ సినిమాలో అర్జున్ సర్కార్‌ అనే కరకు పోలీస్ ఆఫీసర్‌గ నటిస్తున్న నానికి శ్రీనిధి శెట్టి జోడీగా నటిస్తోంది.

వాల్ పోస్టర్ సినిమా, యూనానిమస్ ప్రొడక్షన్స్ బ్యానర్లపై నాని, ప్రశాంత్ తీపిర్నేని కలిసి నిర్మిస్తున్న హిట్-3 మే 1వ తేదీన విడుదలకాబోతోంది. ‘ది ప్యారడైజ్’ సినిమా ఎప్పుడు విడుదల చేసేది ఇంకా ప్రకటించాల్సి ఉంది.