టాలీవుడ్ వార్తలు

శైలేష్ కొలను దర్శకత్వంలో ‘హిట్’ ఫస్ట్ కేస్, సెకండ్ కేస్ పేరుతో విడుదలైన రెండు సినిమాలు సూపర్ హిట్ అవడంతో, హిట్ సిరీస్‌లో కేస్-3గా తీస్తున్నారు. ఈ సినిమాలో నాని క్రిమినల్స్‌తో చాలా క్రూరంగా వ్యవహరించే అర్జున్ సర్కార్ అనే పోలీస్ ఆఫీసర్‌గా నటిస్తున్నారు. సోమవారం విడుదలైన హిట్-3 టీజర్‌ చూస్తే ‘దసరా’, ‘సరిపోదా శనివారం’ సినిమాల తర్వాత నాని రూట్ మార్చి యాక్షన్ పాత్రలకు షిఫ్ట్ అయ్యారా? అనిపించకమానదు. 

ఈ సినిమాలో శ్రీనిధి శెట్టి హీరోయిన్‌గా చేస్తోంది. రావు రమేష్, బ్రహ్మాజీ, అడవి శేష్, సూర్య శ్రీనివాస్, ఆదిల్ పాల, మాగంటి శ్రీనాధ్ తదితరులు ముఖ్య పాత్రలు చేస్తున్నారు. 

ఈ సినిమాకి కధ, దర్శకత్వం: శైలేష్ కొలను, సంగీతం: మిక్కీ జె మేయర్, కెమెరా: సను జాన్ వర్గీస్, ఎడిటింగ్: కార్తీక శ్రీనివాస్ చేస్తున్నారు.

వాల్ పోస్టర్ సినిమా, యూనానిమస్ ప్రొడక్షన్స్ బ్యానర్లపై నాని, ప్రశాంత్ తీపిర్నేని కలిసి ఈ సినిమా నిర్మిస్తున్నారు. ఈ సినిమా 2025, మే 1వ తేదీన విడుదల కాబోతోందని మరోసారి టీజర్‌లో కూడా ఖరారు చేశారు.