సంబంధిత వార్తలు
టాలీవుడ్ వార్తలు
రమణ గోగుల కూడా సంక్రాంతికి వస్తున్నారట!
తమ్ముడు, బద్రి, జానీ, లక్ష్మీ, యోగి వంటి సూపర్ హిట్ సినిమాలకు సంగీతం అందించిన ప్రముఖ సంగీత దర్శకుడు, నేపద్య గాయకుడు రమణ గోగుల గత 11 ఏళ్ళుగా సినిమాలకు దూరంగా ఉంటున్నారు.
వ్యాపార రంగంలో స్థిరపడిన ఆయన మళ్ళీ ఇన్నేళ్ళ తర్వాత విక్టరీ వెంకటేష్-అనిల్ రావిపూడి సినిమా ‘సంక్రాంతికి వస్తున్నాం’లో ఓ పాట పాడుతున్నారట. ఈవిషయం దర్శకుడు అనిల్ రావిపూడి స్వయంగా తెలియజేశారు.
సుమారు 18 ఏళ్ళ క్రితం విడుదలైన లక్ష్మి సినిమాలో వెంకటేష్, రమణ గోగుల కలిసి పనిచేశారు. మళ్ళీ ఇన్నేళ్ళకు ఆయన సినిమా కోసం ఓ పాట పడేందుకు ఒప్పుకున్నారు.
ఈ ముక్కోణపు క్రైమ్ ధ్రిల్లర్ సినిమాలో రాజేంద్ర ప్రసాద్, సాయి కుమార్, మీనాక్షీ చౌదరి, ఐశ్వర్య రాజేష్ తదితరులు ప్రధాన పాత్రలు చేస్తున్నారు. ఈ సినిమా షూటింగ్‌ దాదాపు పూర్తయింది. డబ్బింగ్ పనులు జోరుగా సాగుతున్నాయి. జనవరిలో సంక్రాంతి పండుగకు ఈ సినిమా విడుదల కాబోతోంది.
