సంబంధిత వార్తలు
తెలంగాణ వార్తలు
త్వరలో జనసేన రిక్రూట్ మెంట్ డ్రైవ్!
ఈనెల 21 నుంచి జనసేన పార్టీలో రిక్రూట్ మెంట్ డ్రైవ్ జరుగబోతోంది. వినడానికి కాస్త ఆశ్చర్యంగా ఉన్నా ఇది నిజమే. అనంతపురం జిల్లా నుంచే పార్టీని స్థాపించాలని పవన్ కళ్యాణ్ భావిస్తునందున, ముందుగా ఆ ప్రాంతానికి చెందిన రాజకీయ విశ్లేషకులు, జిల్లా సమస్యలపై మంచి అవగాహన కలిగి చక్కగా ప్రసంగం చేయగల వక్తలను ఎంపిక చేసుకోబోతున్నారు. వాటి కోసం ఇదివరకు ఇచ్చిన ఒక ప్రకటనకు 3600 దరఖాస్తులు వచ్చాయని, వారందరికీ వరుసగా 3 రోజుల పాటు పరీక్షలు నిర్వహించాలని నిర్ణయించినట్లు పవన్ కళ్యాణ్ తెలియజేశారు. అభ్యర్ధుల ఎంపిక చాలా పారదర్శకంగా జరుగుతుందని, కేవలం పార్టీ ఆశయాల పట్ల నమ్మకం ఉన్నవారు, ప్రతిభగలవారికే అవకాశం కల్పిస్తామని పవన్ కళ్యాణ్ తెలిపారు. జనసేనను అప్రదిష్టపాలు చేయాలనుకొనే వారిని ఈ పవిత్ర యజ్ఞంలో చొరబడకుండా అభిమానులు జాగ్రత్తలు తీసుకోవాలని పవన్ కళ్యాణ్ కోరారు.
