సంబంధిత వార్తలు
తెలంగాణ వార్తలు
బిఆర్ఎస్ రాజ్యసభ అభ్యర్ధిగా నామినేషన్ వేసిన వద్దిరాజు
తెలంగాణలో ఖాళీ అయిన మూడు రాజ్యసభ స్థానాలలో రెండింటికి రేణుకా చౌదరీ, అనిల్ కుమార్‌ యాదవ్‌లను కాంగ్రెస్ అభ్యర్ధులుగా ప్రకటించగా, బిఆర్ఎస్ పార్టీ అభ్యర్ధిగా వద్దిరాజు రవిచంద్ర నేడు నామినేషన్ వేశారు. ఈ కార్యక్రమంలో మాజీ మంత్రులు కేటీఆర్‌, గంగుల కమలాకర్ తదితరులు పాల్గొన్నారు.
దేశవ్యాప్తంగా మొత్తం 56 రాజ్యసభ స్థానాలకు ఈ నెల 27న ఎన్నికలు జరుగబోతున్నాయి. నేటితో నామినేషన్స్‌ గడువు ముగిసింది. ఈ ఎన్నికలలో పార్టీల ఎమ్మెల్యేల మద్దతుతో అభ్యర్ధులు ఎన్నుకోబడతారు.
కనుక పార్టీలు తమ బలాబలాల ప్రకారమే అభ్యర్ధులను నిలబెడతాయి. కనుక వేరే ఎవరూ పోటీ చేయరు. అభ్యర్ధులుగా ఖరారు చేయడంతోనే వారికి రాజ్యసభ సీటు ఖరారు అయిపోయినట్లే.
కనుక ఈ నెల 27న జరుగబోయే ఎన్నికలు కేవలం లాంఛనప్రాయమే. ఆ రోజు విజేతల పేర్లను అధికారికంగా ప్రకటించి ధృవీకరణ పత్రాలు ఇవ్వడం ఒక్కటే మిగిలి ఉంది.
